• USD 468.9

  • EUR 485.64

  • RUB 7.7

  • CNY 66.1

01 Jeltoqsan, 10:33:41
Almaty

Prezıdent Qasym-Jomart Toqaev 16 naýryz kúni halyqqa jasaǵan dástúrli joldaýynda elde úsh jańa oblys qurýdy usyndy. Atap aıtuqanda Semeı aımaǵynda Abaı oblysyn, Jezqazǵan aýmaǵynda Ulytaý oblysyn, Taldyqorǵaý aýmaǵynda Jetisý oblystary qurylmaq. Osylaısha, Shyǵys Qazaqstan oblysynyń ákimshilik-aýmaqtyq qurylymyna ózgeris enbek.

– Halyqtyń qalaýyn eskerip, búgin birqatar bastama kótermekpin. Eń aldymen, Semeı aımaǵynda Abaı oblysyn qurýdy usynamyn. Semeı qalasy jańa oblystyń ortalyǵy bolady. Osy máseleni aımaq qurylymdary kópten beri aıtyp júrgeni belgili. Qazir ol jaqta sheshimin tappaǵan túıtkilder az emes. Mysaly, aımaqtyń ishki-ınfraqurylymy ábden tozǵan. Kezinde Alash arystarynyń basyn qosqan Semeı qalasynyń jaǵdaıy máz emes. Biz tarıhı ádildikti ornatyp, ulylarymyz dúnıege kelgen kıeli ólkeni qaıta jańǵyrtýǵa tıispiz, – dedi memleket basshysy.

Sonymen, alashtyń rýhanı ordasy 25 jyldan keıin oblys mártebesine qaıtadan ıe bolmaq. Bul sheshimdi semeılikter kóp kútti. Búginde Semeıde 350 myń adam turady. Jańalyq shyqqaly jurshylyq qýanyshynda shek joq.

«Prezıdent halyq únine qulaq asyp, el qalaýyn oryndady», – deıdi olar.

Qoǵamdyq kólikterdiń durys qatynamaýy, qoqysqa tolǵan jáshikter, jyldar boıy jóndelmegen kópirler, shuryq tesik joldar halyqty ábden sharshatqan. Endi olar kóp kúttirmeı sheshimin tappaq. Endi óz aldyna Abaı oblysy qurylyp, jeke bıýdjet bekitiledi. Jergilikti basqarý organdary qaıta qurylady. О́ńir ekonomıkasy órkendep, halyqtyń áleýmettik jaǵdaıy jaqsarmaq.

Budan bólek Shyǵys Qazaqstan oblysynyń ákimshilik-aýmaqtyq qurylymyn ózgertý barysynda Tarbaǵataı aýdanynyń quramynan Aqsýat jáne Tarbaǵataı aýdandaryn, al Kókpekti aýdanynyń quramynan Samar jáne Kókpekti aýdandaryn bólý jolymen jańa aýdandar qurý týraly sheshim qabyldanyp otyr. Aldaǵy ýaqytta Tarbaǵataı aýdanynyń ákimshilik ortalyǵy – Aqjar aýyly, Aqsýat aýdanynyń ákimshilik ortalyǵy – Aqsýat aýyly, Samar aýdanynyń ákimshilik ortalyǵy – Samar aýyly, Kókpekti aýdanynyń ákimshilik ortalyǵy – Kókpekti aýyly bolyp ózgermek.

Terrıtorııalyq bólinisterge sáıkes, Shyǵys Qazaqstan oblysynyń aýmaǵy 97,8 myń sharshy metr bolady. Quramyna 9 aýdan jáne 2 qala kiredi. Abaı oblysynyń aýmaǵy 185,5 myń sharshy metrdi quraıdy,  quramyna 8 aýdan jáne 2 qala kiredi. Atap aıtqanda, ShQO aýmaǵynda – О́skemen, Rıdder qalalary, Glýbokoe, Zaısan, Katonqaraǵaı, Kúrshim, Samar, Tarbaǵataı, Ulan, Shemonaıha, Altaı aýdandary qalady. Abaı oblysyna – Semeı, Kýrchatov qalalary, Abaı, Aıagóz, Aqsýat, Besqaraǵaı, Borodýlıha, Jarma, Kókpekti, Úrjar aýdandary qaraıdy.

Jańadan qurylatyn oblys halqynyń sany – 638,3 myń adamdy qurasa, Shyǵys Qazaqstan oblysynyń halqy – 717,6 myń bolmaq, bul – oblys halqynyń 53 paıyzy. Abaı oblysynda sáıkesinshe, 47 paıyz. О́nerkásipterdiń 68 paıyzy – ShQO-da, 32 paıyzy – Abaı oblysynda qalmaq. Eki oblystyń qala-aýdandary 1997 jyly Semeı oblysy qosylǵanǵa deıingi terrıtorııalar boıynsha bólingen.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir