• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 02:37:43
-6°

Qazaqstan halqy assambleıasynyń músheleri Georgıı Konstantınovıch, Nýrııa Nııazova, Rasýl Ahmetov

D.A.Qonaev atyndaǵy Eýrazııalyq zań akademııasynda Qazaqstan halqy assambleıasynyń músheleri Georgıı Konstantınovıch, Nýrııa Nııazova, Rasýl Ahmetov jáne osy joǵary oqý ornynyń ustazdary men stýdentteri, qoǵam belsendileri bas qosty.

Jıynǵa qatysýshylar Memleket basshysy Qasym-Jomart Toqaevtyń bastamasymen júzege asyp jatqan Jańa Qazaqstannyń berik quqyqtyq irgesin qalaýǵa baǵyttalǵan Konstıtýsııaǵa ózgerister men tolyqtyrýlardy engizýdi kózdeıtin jalpyhalyqtyq referendýmnyń mańyzdylyǵy men ózektiligin atap ótti.

Referendýmnyń mańyzy, qajettiligi jóninde Qazaqstan halqy assambleıasynyń múshesi, grek etno-mádenıetiniń Almaty qalasyndaǵy jetekshisi Georgıı Konstantınovıch málimdedi.

– Biz osyndaı formatta kezdesip, jastarmen júzdesip otyrǵanymyzǵa qýanyshtymyz. Konstıtýsııa eń mańyzdy qujat. Bizdiń qoldanystaǵy Ata-Zańymyz 1995 jyly qabyldandy, sodan beri qanshama ózgerister men tolyqtyrýlar engizildi. Biraq olarda búkilhalyqtyq múdde qamtylmaǵan edi. Mine, bıylǵy referendým sol oqylyqtardyń ornyn toltyryp, Konstıtýsııamyzda halyqtyń múddesi eskerilmek. Prezıdentimizdiń «halyq bolyp aqyldasaıyq, birge otyryp birlese shesheıik, ózgerister engizeıik» degen bastamasy quptarlyq. Quqyqtyq damyǵan elde ǵumyr keshýdi bárimiz qalaımyz. Sondyqtan, ortaq iske jumylaıyq, bir kisideı atsalysaıyq, – dedi spıker.

D.A.Qonaev atyndaǵy Eýrazııalyq zań akademııasy stýdentteri

Referendýmnyń qoǵam ómirine úlken ózgerister ákeleri anyq. Bul jóninde jıynǵa qatysýshylar arasynda qyzý pikirtalas órbidi, jastar osynaý jalpyhalyqtyq sharanyń mańyzdylyǵyn atap ótip, referendýmdy qoǵamdy demokratııalyq ilgerileýge baǵyttaıtynyna senimdi

– Bul ómirdiń zańdylyǵy. Ásirese memleketimizdi damytýshy kúsh – jastar. Sondyqtan, biz elde bolyp jatqan ózgeristerden shet qalmaýymyz kerek. Bul patrıotızmniń úlken belgisi dep bilemiz. Barshamyz 5 maýsymdaǵy referendýmǵa qatysyp, tańlaýymyzdy jasaımyz, – dedi QHA múshesi Nýrııa Nııazova.

"Qamshy" silteıdi
Ilmek sózder: referendým

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir