• USD 431.41

  • EUR 452.94

  • RUB 6.92

  • CNY 63.83

20 Mamyr, 09:24:51
Almaty
+18°

Prezıdent Qasym-Jomart Toqaev facebook paraqshasynda el astanasynyń eski ataýyn qaıtarý, Pavlodar oblysyn "Saryarqa", Qyzylorda oblysyn "Syrdarııa", Petropavl qalasyn "Abylaı han" dep ataýdy usynǵan Qazaqstannyń Egıpet Arab Respýblıkasyndaǵy Tótenshe jáne О́kiletti elshisi Qaırat Lama Sharıfke sógis jarııalady. 

"Qazaqstan Respýblıkasy memlekettik qyzmetshileri ádep kodeksiniń 9-tarmaǵynyń talaptaryn saqtamaǵany úshin Qazaqstannyń Egıpet Arab Respýblıkasyndaǵy Tótenshe jáne О́kiletti elshisi Qaırat Qaıyrbekuly Lama Sharıfke sógis jarııalady" delingen Aqordanyń resmı "Bort №1" Telegram-kanalynda.

 

Qazaqstan Respýblıkasy ádep kodeksiniń 3-taraý 9-tarmaǵynda "memlekettik qyzmetshiler memlekettik saıasat jáne qyzmettik jumys máseleleri jónindegi óz pikirin, eger ol memlekettik saıasattyń negizgi baǵyttaryna sáıkes kelmese, jarııalaýǵa ruqsat etilmegen qyzmettik aqparatty ashatyn bolsa jáne memlekettiń laýazymdy adamdarynyń, memlekettik basqarý organdarynyń, basqa da memlekettik qyzmetshilerdiń atyna ádepsiz sózderdi qamtıtyn bolsa, kópshilik aldynda bildirmeýge tıis" delingen.

Al Qaırat Lama Sharıf sógiske sebep bolǵan facebook-tegi jazbalaryn óshirip tastaǵan.

Bul jańalyq Reseılik aqparat quraldarynyń nazarynan da tys qalmady. Prezıdent sógisi shyǵysymen reseılik medıaquraldar "Toqaev derýssıfıkasııa jasaýdy usynǵan elshige sógis jarııalady" dep jarysa jazyp jatyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir