• USD 468.56

  • EUR 497.56

  • RUB 7.3

  • CNY 67.18

29 Naýryz, 15:32:38
Almaty
+35°
Reseıde Azattyq radıosy Orys qyzmetiniń, Medýza", BBC, Deutsche Welle basylymdarynyń saıttary buǵattaldy.

Azattyqtyń qazaq qyzmeti Orys qyzmetine jiberilgen habarlamada saıtta "qoǵamdyq mańyzdy aqparattyń burmalanyp berilgeni" jóninde eskertý baryn habarlady.

"Roskomnadzor saıttaǵy "Reseıdiń Ýkraınaǵa basyp kirgeni jóninde" aqparatty shyndyqqa sáıkes kelmeıdi dep tanyǵan. Roskomnadzordyń aıtýynsha, Reseı "Ýkraınamen soǵysyp jatqan joq, ony resmı derekkózder, onyń ishinde Reseı qorǵanys mınıstrligi" aıǵaqtaǵan. Soǵys týraly aqparat taratqany úshin buǵan deıin Azat Eýropa/Azattyq radıosynyń "Nastoıashee vremıa" jobasy, Azattyqtyń Ýkraın qyzmetiniń "Krym.Realıı" jobasy buǵattalǵan. Bir aı ishinde Azattyqtyń Orys qyzmeti Roskomnadzordan ondaǵan eskertý alǵan, arasynda oppozısııalyq saıasatker Alekseı Navalnyıdyń komandasy men "Proekt" basylymynyń zertteýleri negizinde jazylǵan maqalalardy óshirý týraly talaptar bar. Azat Eýropa/Azattyq radıosy medıakorporasııasynyń prezıdenti Djeımı Flaı sol kezde redaksııa bul talaptardy oryndamaıdy dep málimdegen" delingen aqparattyq habarlamada.

Meduza óziniń Telegram-kanalynda Roskomnadzor servısi saıt jumysy bas prokýratýranyń 24 aqpandaǵy "Aqparat, aqparattyq tehnologııalar men aqparatty qorǵaý týraly" zańyna saı shektelgenin túsindirgenin habarlady.

Zańda jappaı tártipsizdikke, ekstremıstik áreketke shaqyrǵan, terrırızm aktisi týraly jalǵan aqparat taratatyn, qoǵamdyq tártip nemese qaýipsizdiktiń jappaı buzylýyna ákelip soǵý qaýpi bar aqparatty taratýshylarǵa shekteý engiziletini aıtylady.

Buǵan deıin reseılik "Dojd" telearnasy qyzmetin ýaqytsha toqtatqan. "Eko Moskvy" basylymy dırektorlar keńesi radıo men saıttaryn jabý týraly sheshim qabyldaǵan.

Atalǵan aqparat quraldary Reseıdiń Ýkraınaǵa basqynshylyǵy týraly ashyq, beıtarap aqparat taratqany úshin osylaı qýǵynǵa ushyrap otyrǵanyn aıtady. Reseı bıligine qarasty baspasóz oqıǵany birjaqty baıandap, burmalanǵan aqparat taratyp, Pýtın basqynshylyǵyn "Donbass turǵyndaryn Ýkraına tarapynan jasalyp jatqan qylmystyq áreketterden qorǵaý" dep túsindirip jatyr.

Búgin Reseı dýmasy "feık týraly" zań qabaldaıdy dep kútilip otyr. Oǵan saı Reseı armııasy týraly jalǵan aqparat taratqandardy 15 jylǵa bas bostandyǵynan aıyrý kózdelgen.

Ýkraına urystar kezinde eki jaqtyń da shyǵyny týraly habarlap, Reseı 10 myńnan astam jaýyngerin joǵaltqanyn málim etken. Ýkraın, batys jýrnalısteri resmı Máskeý men Kremge baǵynyshty baspasóz quraldary qaqtyǵys bastalǵaly adam shyǵynyn jasyryp, azaıtyp kórsetip jatqanyn jıi jazady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir