Qazaqstannyń Bas prokýrory qyzmetinen ketti

Ǵızat Nurdáýletov Bas prokýror laýazymynan bosatyldy. Bul týraly Aqorda saıty habarlady.

"Ǵızat Dáýrenbekuly Nurdáýletov Qazaqstan Respýblıkasy prezıdentiniń kómekshisi – Qaýipsizdik Keńesiniń Hatshysy laýazymyna taǵaıyndalsyn, ol Qazaqstan Respýblıkasynyń Bas prokýrory laýazymynan bosatylsyn" delingen habarlamada.

Ǵızat Dáýrenbekuly eńbek jolyn Almaty oblysy Jambyl aýdany prokýratýrasynda tergeýshi bolyp bastaǵan.

Memlekettik tergeý komıtetinde 1996-1997 jyldary qyzmet atqarǵan.

1997 jyldan bastap ulttyq qaýipsizdik organdarynda eńbek etken.

Sonymen qatar departament bastyǵynyń orynbasary, Almaty qalasy jáne Almaty oblysy boıynsha departament bastyǵy, Tergeý departamenti bastyǵy laýazymynda boldy.

2016 jyldyń qarasha aıynan bastap Ońtústik Qazaqstan oblysy boıynsha UQK departamentin basqarǵan.

2017 jyly shilde aıynan bastap QR Bas prokýrorynyń birinshi orynbasary qyzmetin atqardy.

2019 jyldyń 18 naýryzynda QR Bas prokýrory laýazymyna taǵaıyndaldy.