• USD 468.45

  • EUR 489.06

  • RUB 7.66

  • CNY 66.09

02 Jeltoqsan, 18:41:10
Almaty
-2°

Reseı Qorǵanys mınıstrligi Ýkraınamen shekarada ornalasqan keıbir áskerler oqý-jattyǵýlardy aıaqtaǵannan keıin bazalaryna oralyp jatqanyn habarlaǵany "shıelenis báseńdeıdi" degen úmitti arttyrǵan. Alaıda Ýkraına mańyndaǵy áskerı jattyǵýlar jalǵasýda jáne qansha bólimshe shyǵarylyp jatqany belgisiz.

NATO qorǵanys alıansynyń basshysy áli deeskalasııany kórmegenin aıtty, biraq Máskeýden aıtylǵan sıgnaldar optımıstik úmit syılaıdy.

AQSh prezıdenti Djo Baıden Ýkraına shekarasy mańynda burynǵydan da kóp ásker bar ekenin jarııalaǵan.

Reseı prezıdenti Vladımır Pýtın baspasóz máslıhatynda Reseı Eýropada soǵysty qalamaıtynyn málimdegen. 

Eýropalyq Odaq Reseı qaýipsizdik máselelerin talqylaýǵa daıyn ekenin aıtady, biraq soǵys jaǵdaıynda Reseıden Germanııaǵa baratyn negizgi gaz qubyry "iske qosylmaıdy" dep eskertedi.

Buǵan deıin Ulybrıtanııa premer-mınıstri Borıs Djonson Reseıden "aralas sıgnaldar" kelip jatqanyn jáne Ýkraınaǵa qatysty barlaý "áli de kóńil kónshitpeıtin aqparattardy kórsetetinin" jetkizgen.

Ol Reseıdiń Ýkraına shekarasy mańynda jáne Belarýste dalalyq aýrýhanalar salyp jatqanyn atap ótti. Djonson Reseıdiń bul áreketterin "tek (shabýylǵa) daıyndyq retinde túsinýge bolady" dedi.

"Ýkraınamen shekaradaǵy óte jaqyn jerde batalondyq taktıkalyq toptar kóbirek. Máskeý kez kelgen sátte (Ýkraınaǵa) soǵys ashý múmkin. Meniń oıymsha qazirgi ýaqytta bir birine uqsamaǵan ár túrli sıgnaldar bar" dep túıindedi ol.

Sońǵy aılarda Reseı Ýkraınamen shekaraǵa 100 myńnan astam áskeri men áskerı tehnıkasyn ornalastyrǵan. Batys elderi "Máskeý kórshisine basyp kirýi múmkin" dep qaýiptenedi. Al Reseı yqtımal shabýyl týraly josparlardy joqqa shyǵaryp keledi.

"Qamshy" silteıdi
Ilmek sózder: Reseı Batys Ýkraına

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir