Foto: ND youtube arnasyndaǵy vıdeodan skrınshot
Qańtar oqıǵasynan keıin ustalyp, túrli aıyp boıynsha tergelip jatqan adamdardyń jaǵdaıyn, olardyń tergeý ızolıatorlarynda kórip jatqan azabyn kópshilikke jetkizý, ustalǵandardyń jaqyndaryna qoldaý kórsetý maqsatynda "Tamshy" áleýmettik qaıyr qory qurylyp, jumysyn bastap ketti. Qoǵamdyq negizdegi qordy qurýǵa Baqytjan Qosbarmaqov, Mahmut Qosmambetov, Gúlaıym Sııazbaı sekildi jýrnalıst, belsendiler bastamashyl bolǵan.
Baqytjan Qosbarmaqov qor qurýǵa Qańtar oqıǵasynan keıingi jaǵdaılar májbúrlegenin, qoǵamdyq uıym maqsaty qamaýda negizsiz otyrǵan adamdardyń jaqyndaryna materıaldyq, moraldyq, zańdyq kómek kórsetý ekenin aıtady. Qor qamalyp, azaptalyp jatqan adamdar, zardap shekken ózge de azamattar týraly aqparatty jınap, olardy jarııalaý arqyly máselege qoǵam nazaryn aýdaryp, jaǵdaıǵa qandaıda bir oń yqpal etýdi kózdeıtinin jetkizdi.
Jýrnalıstiń sózinshe, búginde "Tamshy" qoryna on shaqty adam júginip úlgergen. Kópshiliginiń týysy Qańtar oqıǵasynan keıin túrli aıyp taǵylyp, qamaýda otyr. Júgingen ár adamnyń aıtqandary vıdeoǵa túsirilip, áleýmettik jelige salynady. Málimetter qattalyp derekter, aqparattar jınalady.
– Almaty oblysy Eńbekshiqazaq aýdany Qazaqstan, Ashybulaq aýylynyń 5 turǵynyna qatysty qylmystyq is qozǵalǵan. Olar Nuráli Erjan, Nurshat Erjan degen aǵaıyndy jigitter men olardyń Farhat Ashırov, Nurbolat Smaǵulov, Baqtııar Taıshev atty dostary. Bul jigitter qazir Almatydaǵy UQK tergeý ızolıatorynda jatyr. Beseýine de qylmystyq kodekstiń 287-baby 4-tarmaǵy boıynsha "qarý tasymaldady" degen aıyp taǵylǵan. Olardyń jaqyndary – áıelderi, sheshesiniń aıtýynsha, jigitterdiń eshbiri alańǵa barmaǵan, úıde – bala-shaǵasynyń qasynda bolǵan. Bar aıyby – namaz oqıtyny bolsa kerek. Biz jigitterdiń jaqyndaryna advokat taýyp berip, aqparattyq kómek kórsettik. Turmysy tómendeý eki jigittiń otbasyna materıaldyq kómek berdik. Advokattary jigitterdiń beti-aýzy kógerip, syrylǵanyn, qabyrǵalary synǵannan ba tynys alýy qıyn ekenin aıtady. Soǵan qaraǵanda olardy tergeý ızolıatorynda azaptaǵanǵa uqsaıdy.
Sondaı-aq qor qyzmetine Svetlana Sersembaeva degen qyzylordalyq kelinshek júgindi. Onyń kúıeýi 5 qańtarda úıinen shyǵyp ketkeli iz-tússiz joǵalyp, 31 qańtar kúni denesi máıithanadan tabylypty. Qazirgi kezde kelinshektiń aıtqandaryn jarııalap, materıaldyq kómek kórsetý ústindemiz, – deıdi ol.
Jýrnalıst "adal, óz kásibin biletin, prınsıpine berik advokat tabý óte qıyn, ári osyndaı jaǵdaıda qyzmetin asyra aıtatyn zańgerler de tabylady" dep otyr.
Baqytjan Qosbarmaqov osyǵan deıin jınalǵan, baspasózde, áleýmettik jelidegi aqparattar negizinde ustalǵan adamdardy 4 klassıfıkasııaǵa bólip qaraýǵa bolady dep topshylaıdy.
– Qýǵyndalyp jatqan adamdardyń kóbi birinshiden namazhandar. Odan keıingi kóbi oralmandar. Ishinde О́zbekstannan, Qytaıdan kelgenderi bar. Odan keıingileri áleýmettik turǵyda az qorǵalǵan, turmysy nasharlaý, qarapaıym jumystarmen aınalysatyn adamdar. Tórtinshisi – belsendiler, – deıdi ol.
"Tamshy" qory bastamashyl tobynyń ókilderi óz qarajaty, jurtshylyqtan jınalǵan qarjy esebinen isti bolyp jatqan adamdardyń jaqyndary arasynda materıaldyq kómekke zárý jandarǵa da az-kem kómek qolyn sozyp jatqanyn jetkizdi.
– Materıaldyq kómekti eki kategorııaǵa bóldik. Birinshi kategorııa boıynsha otbasy jaǵdaıy aýyr, 4-5 jáne odan da kóp balasy bar januıalarǵa 25-30 myńnan bir ret beremiz. Odan keıin olarǵa bir-eki aı qamqorlyq kórsetetin patronaj izdep jatyrmyz. Bir otbasynyń páteraqysyn tólep turaıyn degen azamat shyǵyp jatyr. Ekinshi kategorııa boıynsha 1-3 balasy bar, turmysy táýirleý otbasylarǵa 15-20 myń teńge kóleminde birrettik kómek berdik. Buny "bireýge az, bireýge kóbirek beripti", "anaý tanysyna beripti" degen áńgime bolmas úshin hattamamen osylaı belgilep, úlestirip jatyrmyz. О́zińe de manaǵydaı áńgimeler týmasyn dap aıtyp jatyrmyn, – deıdi ol.
Áleýmettik qor músheleriniń tergeý ızolıatoryna kirýge, qylmystyq is qujattarymen tanysýǵa múmkindigi, ókilettigi joq. Alaıda "ókilettik alǵan qoǵamdyq komıssııalar "Tamshyda" jınalǵan derekterdi surap, máselene ún qosamyz dese, bolmasa materıaldyq, zań turǵysynan kómek kórsetýge nıetti adamdar tabylyp jatsa, ózimizdegi aqparatty usynýǵa ázirmiz" deıdi jýrnalıst Baqytjan Qosbarmaqov.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir