Shymkent áýejaıyna bomba qoıylǵany týraly habar áýejaı jumysyn ýaqytsha toqtatty

"2021 jyldyń 15 jeltoqsanda saǵat 02.00-de Shymkent áýejaıynyń elektrondyq poshtasyna áýejaı ǵımaratyn mınalaý týraly habarlama kelip tústi. Tártipke sáıkes, barlyq qyzmetter eskertiledi. Polısııa men UQK qalalyq departamenti áýejaı qyzmetterimen birlesip arnaıy is-sharalar ótkizdi. Áýejaı termınalynda adamdardy evakýasııalaý júrgizildi", - dep rastaǵandy Sputnik Qazaqstan basylymyna ındýstrııa jáne ınfraqurylymdyq damý mınıstrligi.

Ýákiletti organdar bir jarym saǵat boıy áýejaıdy tintip, eshteńe tappaǵan. Osy aralyqta ushý toqtatylyp, reıster keshiktirilgen. Qazirgi tańda áýejaı jumysy qaıta qalpyna keldi. Jolaýshylardy tirkeý bastalǵany habarlandy.

Kóliktegi polısııa departamentiniń aqparaty boıynsha, atalǵan fakt Shymkent qalasynyń áýejaıynda Jelilik polısııa bóliminiń sotqa deıingi tergeýdiń biryńǵaı tiziminde tirkelgen. Qylmystyq kodekstiń 273-baby ("Terrorızm aktisi týraly kórineý jalǵan habarlaý") boıynsha qarastyrylady.