06 Jeltoqsan, 2021 NEWS О́zgertý

Táýliktik epıdahýal. 632 adamnan vırýs anyqtaldy, 16 adam qaıtys boldy

Kórneki sýret

О́tken táýlikte PTR test arqyly 632 adamnan koronavırýs, 21 adamnan pnevmonııa anyqtalǵan. 4 jeltoqsanda 16 adam koronavırýstan qaıtys bolǵan. Bul týraly densaýlyq saqtaý mınıstrliginiń epıdemıologııalyq ahýal týraly kúndelikti aqparattyq habarlamasynda aıtyldy.

Qazaqstanda 2020 jylǵy 13 naýryzdan búgingi kúnge deıin PTR test arqyly 975 782 adam koronavırýs juqtyrǵany anyqtalǵan. Onyń ishinde 12 785 adam kóz jumǵan. 2020 jylǵy 1 tamyzdan beri júrgizilip kele jatqan pnevmonııa statıstıkasyna saı, 82 976 adam pnevmonııamen aýyrǵan. Onyń ishinde 5163 adam ólgen.

6 jeltoqsandaǵy málimet boıynsha 24 125 adam koronavırýs pen pnevmonııadan emdelip jatyr. Olardyń ishinde 4 948 pasıent stasıonarda, 19 177 naýqas ambýlatorııalyq deńgeıde em qabyldaýda.

Indetke shaldyqqandardyń arasynda:

359 adamnyń jaǵdaıy aýyr,
97 pasıenttiń jaǵdaıy óte aýyr,
59 naýqas О́JJ apparatynda jatyr.

Qazaqstan óńirlerindegi epıdemıologııalyq ahýaldy baǵalaý matrısasyna sáıkes barlyq óńir "qyzyl" aımaqtan shyqty. Nur-Sultan qalasy, Aqmola, Qaraǵandy, Pavlodar, Qostanaı, Soltústik Qazaqstan oblystary "Sary" aımaqta, Almaty, Shymkent qalalary, Atyraý, Aqtóbe, Almaty, Batys Qazaqstan, Túrkistan, Jambyl, Qyzylorda, Mańǵystaý, Shyǵys Qazaqstan oblystary "Jasyl" aımaqta.

6 jeltoqsandaǵy málimet boıynsha elde koronavırýsqa qarsy vaksınanyń I komponentin 8 783 874 adam saldyrǵan. Vaksınanyń qos birdeı komponenti 8 182 339 adamǵa egilgen.

"Qamshy" silteıdi

Ilmek sózder: koronavırýs