DDSU koronavırýstyń jańa shtammy týraly dabyl qaqty

Dúnıejúzilik densaýlyq saqtaý uıymy (DDSU) "Omicron" shtammynyń búkil álemde órshý qaýpi joǵary ekenin eskertti.

"Bul nusqa keıbir aımaqtarda aýyr zardaptarǵa ákelýi múmkin" delingen DDSU habarlamasynda.

Uıym basshysy, doktor Tedros Adhanom Gebreııýs kedeı elderge vaksınany qoljetimdi etý úshin jahandyq kúsh salýǵa shaqyrdy.

Onyń sózinshe, Covid-19 áli bitken joq. Ol sonymen qatar pandemııanyń jańa kezeńi alda ekenin eskertti.