Shymkent: «Anaǵa hat» onlaın shyǵarmashylyq baıqaýynyń jeńimpazdary marapattaldy

Shymkent qalasynyń Abaı aýdanyna qarasty №5 jalpy orta mektebinde tuńǵysh ret 8-11 synyp oqýshylary arasynda pılottyq joba retinde «Anaǵa hat» shyǵarmashylyq baıqaýy onlaın túrde ótti.

Is-sharanyń maqsaty – ata-ana men bala arasyndaǵy qarym-qatynasty nyǵaıtý, jastarǵa úlgi bolarlyq tálim-tárbıe men úlkenderge degen qurmettiń joǵary turatynyn uǵyndyrý.

Onlaın formattaǵy is-sharanyń birinshi kezeńine sáıkes, qazylar alqasy 49 oqýshynyń shyǵarmalarymen tanysyp, ozyq oıly qatysýshylardy marapattady.

Pılottyq jobanyń ekinshi kezeńi «Saz» kolledjinde jalǵasty. Jobanyń avtory, aıtysker-aqyn, QR-nyń Eńbek sińirgen qaıratkeri, fılologııa ǵylymdarynyń kandıdaty Leýbaeva Aqmaral Pernebekqyzy qatysyp ekinshi kezeń boıynsha jeńiske jetken baıqaý jeńimpazdaryn quttyqtap, túrli nomınasııalarmen marapattady. Sondaı-aq aqyn jastarǵa óz motıvasııalyq áńgimelerin aıtyp, ásem áýenmen keremet óleń joldaryn arnady.

Qatysýshylar arasynda ozyq oıly jazylǵan 4 shyǵarma ıegerlerine aýdan ákiminiń arnaıy júldeli oryndarmen qatar demeýshiler esebinen smartfon men planshetter tabystaldy. Shyǵarmaǵa belsendilik tanytqan mektep ustazdary da aýdan ákiminiń alǵys hatyna ıe boldy.