Asarlyqtar sapaly elektr qýatymen qamtylady

Shymkent qalasy aýmaǵyna qarasty birqatar eldi mekenderin sapaly elektr qýatymen qamtamasyz etý maqsatynda abonentteý jumystary qarqyndy júrgizilýde.

Qazirgi tańda, «OńtústikJaryqTranzıt» jaýapkershiligi shekteýli seriktestigi Asar-2 eldi mekenindegi jekemenshik jelilerdi ajyratyp, memlekettik elektr jelilerine qosý jumystaryn júrgizýde.

Búginde 60 otbasy jekemenshik transformatorlardyń álsiz qýatymen beriletin jaryqtyń ornyna sapaly elektr qýatyn tutynyp otyr. Qalǵan úılerdi turǵyndardyń óz qujattaryn tapsyrýyna baılanysty ret-retimen júrgiziletin bolady.

Sondaı-aq, Asar-2 eldi mekeniniń turǵyndary elektr qýatynyń 1 KvT úshin 27-30 teńge tólep kelgen bolsa, endigide tarıf quny 16 teńgege tómendeıtin bolady.