18 Qarasha, 2021 Ekonomıka
Kórneki sýret
Qazaqstanda turǵynúı jaldaý aqysy 10 jylda eki esege qymbattaǵan, dep habarlady LS saıty.
2021 jylǵy 1 qarashada el boıynsha 1 sharshy metrdiń ortasha quny 1,9 myń teńge bolǵan. Bul byltyrǵy sáıkes kezeńmen salystyrǵanda 16,9 paıyzǵa joǵary.
2012 jylmen salystyrǵanda páteraqy quny 1,9 esege ósken.
Bıyl páteraqy baǵasy bárinen de Oralda qatty qymbattaǵan. О́sim – 36,1 paıyz. Almatyda 35%, Shymkentte – 33,7%-ǵa ósken.
Eń qymbat arenda Almaty men Nur-Sultan qalalarynda. Ol jaqta sharshy metr 3 myń teńgeden asyp ketken. Bul esepke sáıkes, 30 sharshy metrlik páterdiń jaldaý aqysy kemi 90 myń teńge quraıdy.
Sarapshylar Qazaqstanda páteraqy quny endi túspeıtinin aıtady. Bıylǵy ósim 2020 jyly pandemııa kezinde naryq bosap qalyp, páter ıeleri joǵaltqan tabysynyń ornyn toltyrýǵa tyrysýymen túsindiriledi. Sarapshylar baǵa 2022 jylǵy jazda turaqtalady dep boljap otyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir