Mańǵystaýda «Qys-2021» komandalyq-shtabtyq oqý-jattyǵýlary bastaldy

  Mańǵystaý oblysynda bastalǵan «Qys – 2021»  respýblıkalyq komandalyq-shtabtyq oqý-jattyǵýyna qatysqan óńir basshysy Nurlan Noǵaev azamattyq qorǵaýdyń memlekettik júıesin basqarý organdary men kúshteriniń qysqy kezeńdegi tótenshe jaǵdaılardyń aldyn alý jáne olardy joıý jónindegi is-qımyldarǵa ázirligimen tanysty, dep habarlaıdy Mańǵystaý oblysy ákiminiń baspasóz qyzmeti.

 Oqý-jattyǵýlardy sapaly ótkizý maqsatynda tótenshe jaǵdaılardy joıýǵa baǵyttalǵan sharalar uıymdastyrylyp,  azamattyq qorǵaý qyzmetiniń kúshteri jáne shuǵyl áreket etý jasaqtary sap túzedi.

 Oblys boıynsha shuǵyl áreket etý jasaǵy jeke quramynyń jalpy sany 867 adam men 318 birlik tehnıkany quraıdy. Janar - jaǵarmaı materıaldary, azyq-túlik, dári-dármek, elektr generatorlary, qum-qıyrshyq tas qospasy, 370 tonna tuz, 1300 m3 qum qory qamtamasyz etildi . Sýmen, jylýmen, energııamen, gazben jabdyqtaýdy úzdiksiz berý uıymdastyryldy, tehnıka men ınertti materıaldardyń kartasy ázirlendi, táýlik boıy kezekshilik etý úshin arnaıy oryndar quryldy.

Oblystyń qala, aýdandarynda 7 shuǵyl áreket etý jasaǵy, jeke quramnyń 730 adam kúshi men 265 birlik tehnıkasy bar. 

Oblystyń azamattyq qorǵaý qyzmeti quralymdarynyń sany 114 birlikti quraıdy, ol jeke quramnan 9 037 adam jáne 1 155 birlik tehnıkadan turady.

Sonymen qatar, QR TJM 2020 jylǵy 24 qazandaǵy № 10 «2020-2021 jyldardaǵy qysqy kezeńdegi TJ-ǵa AQMJ daıyndaý týraly» buıryǵyna sáıkes Mańǵystaý oblysynda 1 626 adam jáne 271 birlik tehnıka kóleminde kúshter pen quraldar toby quryldy.

 Budan basqa, respýblıkalyq jáne oblystyq mańyzy bar avtojoldarda ýaqytsha 20 jylytý pýnkti daıyndalǵan. Onyń 13- i Respýblıkalyq mańyzy bar avtojoldarda, 7-ýi oblystyq mańyzy bar avtojoldarda ornalasqan. Oblystyq mańyzy bar joldardy kútip ustaý úshin 69 birlik tehnıka, 125 tonna tuz, 850 tonna ınertti qum materıaldary daıyndaldy. Respýblıkalyq mańyzdaǵy avtojoldardy qysqy kezeńde kútip ustaý úshin  24 birlik arnaıy tehnıka, 101 tonna tuz, 560 tonna qum jáne 92 birlik jol belgileri qoıylǵan.

Tekserý qorytyndysy boıynsha Nurlan Noǵaev jaýapty tulǵalarǵa birqatar naqty tapsyrmalar berdi.