Shymkenttegi eldimekender eki jylda sapaly aýyz sýmen qamtylady

Shymkent qalasynda búginge deıin 81 eldimekenniń 69-y sapaly sýmen qamtylǵan. 5 eldimekenge kestemen berilse, 7-eýine aýyz sý tasymaldanady. «Ákim saǵaty» baǵdarlamasynda qala ákimi Murat Áıtenov eldimekenderdiń aýyz sýmen qamtylýy jóninde baıandady.

Bıyl qalada 3 magıstraldy sýaqqy men 11 ishki oramdyq júıeniń qurylyy júrgizilýde. Toǵyz aıdyń qorytyndysy boıynsha 2 shaǵynaýdanda (Turan, Yntymaq-2) qurylys jumysy aıaqtalyp, paıdalanýǵa berildi.

Jyl sońyna deıin sýdy tasymaldaıtyn Soltústik saıajaı, Batys, Jańaturlan, Asar-2, Aqtas turǵyn alabtary men kestemen berilip kelgen Jańatalap, Saýle ( DKZ) sh/a, Nurtastyń jańaqurylys aýmaǵynda qurylys jumysy aıaqtalady. Nátıjesinde 25,6 myń adam aýyz sýǵa qol jetkizip, qamtylý kórsetkishi 95,6%-dan, 98%-ǵa ósedi.

Jyl sońyna deıin 3 magıstraldy sýaqqynyń qurylysy aıaqtalyp, paıdalanýǵa berilmek. Qalanyń damý josparyna sáıkes, 2023 jyly sapaly aýyz sý máselesi tolyǵymen sheshiledi.