• USD 468.9

  • EUR 485.64

  • RUB 7.7

  • CNY 66.1

01 Jeltoqsan, 10:06:12
Almaty

Foto: Shymkent qalasy ákiminiń baspasóz qyzmeti

Shymkent qalasynda QR Táýelsizdiginiń 30 jyldyǵyna oraı jas aqyndar arasynda respýblıkalyq «Kúmis dombyra» aıtysy ótti. Elimizde alǵash ret uıymdastyrylyp otyrǵan báıgede jastar jarqyraı kórindi.

Is-sharanyń maqsaty – Táýelsizdiktiń 30 jyldyǵynda jetken jetistikterdi nasıhattaý, jas aqyndardyń ishki múmkindikterin ashyp, shabyttaryna qanat bitirý. Tól ónerimiz aıtystyń jas býyn ókilderi arasynda jańa esimdermen tolyǵýyna úles qosyp, daryndy jastardy qoldaý.

Atalmysh aıtysqa 14 pen 29 jasqa deıingi 30 aıtysker aqyn qatysýǵa nıet bildirip, irikteý nátıjesi boıynsha 16 aqyn baqtaryn synady. Qatysýshylarǵa belgili aıtysker aqyndar men elimizge tanymal qoǵam belsendileri óz baǵasyn berip, qazylyq etti.
Shymkent qalasy ákiminiń birinshi orynbasary Shyńǵys Muqan, Shymkent qalasy máslıhatynyń hatshysy Bahadyr Narymbetov jeńimpazdardy quttyqtap, baǵaly syılyqtarmen marapattady.

Saıys nátıjesi boıynsha Aqmola oblysynyń ókili Nurmahan Jaqypbek bas júlde – «Kúmis dombyra» ıegeri atandy. 16 aqynnyń ishinen oza shapqan jeńimpaz kúmisten jasalǵan dombyra jáne baǵaly syılyqqa ıe boldy.

Aısholpan Tóleýtaı (Shyǵys Qazaqstan oblysy) 1-shi orynǵa ıe bolsa, Beksultan Orynbasarov (Qyzylorda oblysy) 2-shi oryn, Meıirjan Jaqyp (Túrkistan oblysy) pen Nurǵalı Ánapııa (Shymkent qalasy) 3-shi oryndy jeńip aldy.

Sonymen qatar, «Maılyqoja Sultanqojauly» atyndaǵy arnaıy júlde Bekjan Bazarbekke (Almaty qalasy), «Áselhan Qalybekova» atyndaǵy arnaıy júlde Aıym Asylbekqyzyna (Nur-Sultan qalasy) buıyrdy. Barlyq jeńimpazdarǵa arnaıy baǵaly syılyqtar tabys etildi.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir