Foto: Ashyq derekkóz
Talıbannyń joǵary deńgeıli delegasııasy kelissózder júrgizý úshin Túrkııa astanasyna keldi. Aýǵanstannyń jańa úkimeti dıplomatııalyq qoldaý men moıyndaýdy jalǵastyrýda.
Aýǵanstannyń syrtqy ister mınıstriniń mindetin atqarýshy Amır Han Mýttakı men basqa mınıstrler túrik joǵary laýazymdy adamdarymen kezdesip, kómek, kóshi-qon, áýe kóligi men saýda máselelerin talqylaıtyny habarlandy. Bul týraly Aýǵanstannyń syrtqy ister mınıstrliginiń baspasóz hatshysy Abdýl Qahar Balhı beısenbide Twitter paraqshasynda jarııalady.
Jaqynda ǵana Túrkııa syrtqy ister mınıstri Mevlút Chavýshoglý jýrnalısterge Aýǵanstan astanasy Kabýlǵa barýdy josparlap otyrǵanyn, Talıbanmen kelissózder júrgizetinin málimdegen.
Buǵan deıin Katarda birneshe kúndik kelissózder ótti. Kelissózderde AQSh jáne eýropalyq sheneýnikterden Aýǵanstannyń oqshaýlanýyn toqtatý suraldy, onyń ishinde eldi quldyratatyn qarjylyq shekteýlerdi jeńildetý týraly aıtyldy.
Talıban Aýǵanstandy baqylaýǵa alǵannan keıin NATO-ǵa múshe Túrkııa Kabýldaǵy elshiligin jappady jáne Batys elderin Aýǵan bıligimen qarym-qatynasty ornatýǵa shaqyrdy. Sonymen birge, Stambýl halyqaralyq qaýymdastyq Talıbanmen neǵurlym ınklıýzıvti ákimshilik qurǵan jaǵdaıda ǵana jaqsy nátıjeli jumys isteýge bolatynyn aıtty.
Túrkııa sonymen qatar Aýǵanstan astanasy Kabýldaǵy áýejaıdy paıdalanýǵa jáne ony halyqaralyq saparlarǵa qaıta ashýǵa kómektesý úshin Katarmen jumys júrgizýde.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir