Baýyrjan Baıbek Shymkent qalasyna jumys saparymen keldi

Elbasy, partııa Lıderi Nursultan Nazarbaevtyń tapsyrmasy boıynsha «Nur Otan» partııasy Tóraǵasynyń Birinshi orynbasary Baıbek Baýyrjan Qydyrǵalıuly Shymkent qalasyna jumys saparymen keldi.

«О́zgerister joly: Ár azamatqa laıyqty ómir!» Saılaýaldy baǵdarlamasynyń Shymkent qalasynda oryndalý barysymen «Nur Otan» partııasy qalalyq fılıalynyń tóraǵasy, qala ákimi Murat Áıtenov tanystyrdy.

- «2025 jylǵa deıin josparlanǵan 475 ındıkatordyń 23%-i oryndaldy. Qalada 398 myń sharshy metr turǵyn úı, 5 medısınalyq mekeme men 115 sport alańy qoldanysqa berildi. 250 myń adamdy úzdiksiz elektr qýatymen qamtamasyz etý maqsatynda «Bozaryq» elektr qosalqy stansııasy salyndy. Gaz taratý stansııasynyń qurylysy aıaqtalýda, ol 5 shalǵaı eldi mekendi tabıǵı gazben qamtamasyz etetin bolady. 14 myńnan astam jańa jumys orny ashyldy» - dedi óz sózinde qala ákimi.

Saılaýaldy baǵdarlamada bilim berý salasy basty nazarda ekeni belgili. Shymkentte taıaýdaǵy 5 jylda 66 mektepti salý jáne jóndeý josparlansa, bıyldyń ózinde 25 oqý orny salyndy.

Osy rette Baýyrjan Qydarǵalıuly № 79 jańa mektepte pedagogter ujymymen kezdesti. Partııanyń saılaýaldy ýádelerin iske asyrý aıasynda pedagogterdiń eńbekaqysy 2024 jylǵa qaraı 2 ese kóbeıip, ortasha alǵanda 330 myń teńgeden asatynyn da jetkizdi.

Partııa jastar men áıelder kásipkerligin qoldaýǵa erekshe nazar aýdarady. Sondyqtan Shymkentte kásipkerlikti jańadan bastaýshylarǵa, eń aldymen jastar men áıelderge qoldaý kórsetetin onlaın-ortalyq ashqan «Bolashaq» baǵdarlamasynyń túlekterimen kezdesý ótti.

Sapar sońynda qalalyq Saıası keńes Bıýrosy men Qoǵamdyq keńes tóraǵalarymen birge Túrkistan jáne Qyzylorda oblystarynda saılaýaldy ýádelerdiń iske asyrylý barysyn onlaın-formatta tyńdady.

Fılıaldar basshylyǵy men máslıhattardaǵy fraksııalardyń nazaryn jyl sońyna deıin oryndalmaı qalý qaýpi bar jekelegen tarmaqtardy jiti qadaǵalap, sondaı-aq osy baǵyttaǵy jumystardy kúsheıtý qajettigin aıtty.