Shymkentte halyqpen keri baılanys nátıjeli iske asýda

Shymkent qalasynda halyqpen keri baılanys ornatý, ákimshilik kedergilerdi azaıtý jáne aryz-shaǵymdar men talap-tilekterdi bir orynnan qabyldaý baǵytynda «Ashyq ákimdik» nátıjeli jumys istep keledi.

Ákimdiktiń 1-qabatynda ornalasqan arnaıy keńsede qala ákimi men orynbasarlary, aýdan ákimderi jáne salalyq basqarma basshylary turǵyndardy jeke máseleleri boıynsha turaqty qabyldaıdy. Alaıda, el aýmaǵynda qalyptasqan epıdahýalǵa baılanysty qabyldaýlar ýaqytsha onlaın ótýde.

Búginde jergilikti bıliktiń qyzmetine qatysty aryz nemese usynys aıta kelgen azamattardy alǵash qabyldap, turǵyndarmen tııanaqty tildesetin «Ashyq ákimdiktiń» qyzmetkerleri. Jaýaptylardyń baıandaýynsha, azamattardyń basym bóligi – jer men turǵyn úı alý máselesi boıynsha júginedi.

О́tinishtermen jumys jasaý bóliminiń basshysy Begaıym Baqtybaevanyń aıtýynsha, memlekettik kórsetiletin qyzmetterdi avtomattandyrý týraly Memleket basshysynyń tapsyrmasyna sáıkes, búginde qala ákimdigi arqyly usynylatyn memlekettik qyzmetter 95 paıyzǵa sıfrlandyrylǵan. Ákimdik quzireti sheginde 167 memlekettik qyzmet kórsetetin bolsa, sonyń 158-i «Egov.kz» portaly arqyly júzege asady, qalǵan 9-y ázirge qaǵaz júzinde. Biraq jyl sońyna deıin arnaıy portaldar iske qosylyp, ákimdik usynatyn qyzmetter tolyq elektrondy túrde usynylady.

Qyrkúıek aıynan bastap, turǵyndar ózderin tolǵandyratyn problemalar boıynsha ákimdikke kelip áýre bolmaı, aryz-shaǵymdary men talap-tilekterin úıde otyryp, «E-ótinish» aqparattyq júıesiniń kómegimen joldaı alady.
Qazirgi tańda azamattar kótergen máselelerdi nazarǵa alyp, jumys isteý júıelenip keledi. Máselen, 2021 jylǵy II toqsanda Shymkent qalasynyń ákimdigimen jeke tulǵalarǵa – 4 197 455, zańdy tulǵalarǵa – 4 337 qyzmet usynyldy. Atalǵan qyzmetterdiń 99 paıyzy elektrondy túrde kórsetildi.

Sondaı-aq, qala ákiminiń bastamasymen byltyr ashylǵan «IKomek-109 ortalyǵy» turǵyndarmen tikeleı baılanys ornatýda óz tıimdiligin kórsetip otyr. Bul ortalyqqa bıylǵy 8 aıda 133 myńnan astam ótinish túsip, onyń 98 paıyzy qanaǵattandyrylǵan.
«Halyq únine qulaq asatyn memleket» tujyrymdamasy aıasynda qolǵa alynǵan tyndyrymdy tirlikterdiń arqasynda qaladaǵy memlekettik organdarǵa tikeleı joldanatyn ótinishter sany eki ese azaıǵan. Máselen, bıylǵy 8 aıda jergilikti atqarýshy organdarǵa – 21 538 ótinish tússe, ótken jylǵy esepti kezeńde bul kórsetkish – 47 543-ti quraǵan bolatyn.

Aıta keteıik, Shymkentte jyl basynan beri jergilikti organdardyń qyzmetine qatysty qabyldanǵan ótinishterdiń 93%-yna jaýap berilgen.