Foto:instagram.com/lady_sparta
Boksshysy Aıda Satybaldınova ulttyq quramadaǵy qyzdar arasynda bolyp jatqan bylyqtardy aıtty, dep habarlady Sports.kz.
Onyń aıtýynsha, ulttyq quramady qyzdardyń kópshiligi birjynysty . Qyzdardyń ózara ıntımdik qatynasta bolýyn bapkerler men qurama basshylary bilse de úndemeıdi eken. Qaıta astyrtyn qoldaý bildiretin de kezderi ushyrasyp turatyn kórinedi.
– Kez kelgen bapker ózi jattyqtyrǵan shákirtti Olımpıada oıyndaryna alyp barǵysy keledi. Sondyqtan da bar kúshin salyp daıyndaıdy. Biraq, ol qyz kez kelgen ýaqytta kelip "Men boksty tastaımyn, turmysqa shyǵamyn" nemese "aıaǵym aýyr" deýi múmkin. Al, bul bapker úshin tıimsiz. Onyń uzaq jylǵy eńbegi aqtalmaı qalady. Sondyqtan da olar qyzdardyń birin-biri jaqsy kórgenin, birjynysty qarym-qatynasta bolǵanyna qoldaý kórsetedi, – dedi ol.
Boksshy osy taqyrypty qozǵaı kele olardyń bul áreketi jastarǵa kesirin tıgize me dep qorqady. Qazaqstanda árbir otbasy qyz ósirip otyrǵandyqtan olardyń bolashaǵy úshin alańdaıtynyn jasyrmady.
– Meniń oıymsha, buǵan eń aldymen jattyqtyrýshylar kináli, olar óz sportshylaryna durys ıdeologııany úıretý kerek. Biraq jattyqtyrýshylar ózderiniń paıdasy men aqsha úshin qyzdardyń taǵdyryna mán bermeıdi. Olarǵa ary qaraı ne bolatyny mańyzdy emes, - dedi Aıda Satybaldınova.
Sportshy prezıdent Qasym-Jomart Toqaev pen eldegi barlyq sheneýnikterdi, sport mınıstrin bokstaǵy áıelder ulttyq quramasynda bolyp jatqan bylyqtardy retteýge shaqyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir