• USD 424.85

  • EUR 504.21

  • RUB 5.84

  • CNY 65.86

16 Qazan, 01:44:32
Almaty
+4°

Foto: Shymkent qalasy ákiminiń baspasóz qyzmeti

Shymkent qalasynda 15 qyrkúıek kúni bastalǵan, tumaýǵa qarsy ekpe egý jumystary 15 qarashaǵa deıin sozylmaq. Atalǵan vırýstyq aýrý aǵzanyń ımmýndyq qorǵanysyna qatty áser etedi. Sonyń áserinen adam aǵzasy túrli juqpaly jáne tynys alý aýrýlaryna beıim keledi.

Sondaı-aq, koronavırýstyq pandemııaniń órship turǵany da bar. Densaýlyq saqtaý mınıstrligi tek koronovırýsqa ǵana emes, tumaýǵa da qarsy ekpe alýdy usynyp otyr. Eki vaksınany biriktirýge bola ma jáne olardyń bir-birine áseri qandaı?

Emhanalarǵa tumaýǵa qarsy vaksınanyń bir bóligi kelip qoıǵan. Maýsymdyq aýrýǵa qarsy ekpeni alǵashqylardyń biri bolyp Shymkenttiń bas dárigeri alǵan.

«Eger adamnyń densaýlyǵy durys bolsa, eshqandaı janama áseri bolmaıdy» deıdi Baqytjan Pozılov.

Baqytjan Pozılov, Shymkent qalalyq Densaýlyq saqtaý basqarmasynyń basshysy: «Tumaýǵa qarsy vaksınany sońǵy 10 jyl ishinde jyl saıyn alyp otyramyn. Mine, búgin de keldim. Men alǵan ekpeniń aty «Grıppol Plıýs». Tumaý maýsymy bastalyp jatqandyqtan, ony juqtyryp alý qaýpi joǵary. Ekpeniń aldynda meni dáriger qarap, qysymymdy ólshedi. Birshama tekserý júrgizip, suraqtar qoıdy. Arnaıy kelisim paraǵyn toltyrdym. Ekpeniń orny aýyryp turǵan joq. Maǵan 30 mınýt osynda otyrý kerek, odan keıin dárigerler taǵy tekseredi».

Tumaýǵa qarsy vaksınany 79 jasar zeınetker qarııa da alýǵa kelipti. Ábdiǵalı Álimbekov uzaq ómir súrý úshin myqty densaýlyq kerek ekenin aıtady. Ekpe alǵanymnyń arqasynda, óte sırek aýyramyn deıdi aqsaqal.

Epıdemıolog mamandardyń aıtýynsha, tumaýmen aýyrýdyń sharyqtaý shegi qazan aıyna týra keledi. Aldymen koronovırýsqa qarsy egilgen jón, sodan keıin tumaýǵa qarsy vaksınany alýǵa bolady. Eń bastysy, eki ekpeniń arasy kem degende 3 apta bolýy kerek.

Baqytjan Pozılov, Shymkent qalalyq Densaýlyq saqtaý basqarmasynyń basshysy: «Koronavırýsqa arnalǵan vaksına men tumaýǵa qarsy vaksına eki túrli. Sol sebepti eki ınfeksııaǵa da qarsy ekpe alý qajet. Kovıdke qarsy vaksınanyń ekinshi komponentin alǵannan soń, arada 20-30 kún ótkennen keıin ǵana tumaýǵa arnalǵan ekpeni alýǵa bolady. Árkim ózi tirkelgen jeke nemese memlekettik emhanaǵa baryp, ekpeni tegin ala alady».

Medısına qyzmetkerleri eń aldymen zeınetkerler men júkti áıelderge jáne sozylmaly aýrýy bar adamdar, kóp aýyratyn balalarǵa qyzmet kórsetedi. Tumaý eń birinshi júıke júıesine, býyndarǵa jáne tynys alý múshelerine áser etedi. Sonymen qatar, dárigerler balalarǵa 6 aıdan bastap ekpe egýge bolatynyn aıtty.

«Men vaksına salǵyzǵandy durys kóremin. Balalaryma árqashan ekpe ektiremin jáne ony mindetti túrde salǵyzý kerek dep oılaımyn. Ekpeni alǵannan keıin de bala aýyryp qalýy múmkin, biraq jeńil túrde ótedi», deıdi qala turǵyny.

Qazirgi tańda emhanalarda ekpe saldyrýǵa kelgender sany kóp emes. Biraq, dárigerlerdiń aıtýynsha, pasıentter sany kúnnen kúnge artýda. Ekpe alý oıdaǵydaı ótýi úshin, pasıenttiń densaýlyǵy jaqsy bolýy qajet. Sebebi ekpege qarsy kórsetkishi bar jandardyń aýrýlary asqynýy múmkin. Degenmen, kóp jaǵdaıda ekpe asqynýsyz ótedi.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir