• USD 424.85

  • EUR 504.21

  • RUB 5.84

  • CNY 65.86

28 Qyrkúıek, 22:04:51
Almaty
+15°

Talıban qozǵalysynyń bilim mınıstri Abdýl Baqı Hakkanı baspasóz máslıhatynda Aýǵanstanda áıelder men qyzdardyń bilim alýyna birqatar jańa shekteýler engizilgenin málimdedi.

Tálipter áıelder men er adamdardy birge oqytý "Islamǵa jat" ekenin aıtyp, Aýǵanstandaǵy ýnıversıtetterde genderlik segregasııa júrgizetinin málimdedi.

"(Erler men áıelderdi) aralas oqytý ıslam qaǵıdalaryna, ekinshi jaǵynan ulttyq qundylyqtarymyzǵa jáne aýǵandardyń ádet-ǵuryptary men dástúrlerine qaıshy keledi" dedi Hakkanı.

Jańa saıasatty sıpattaı otyryp, Hakkanı kampýstardy jynysyna qaraı bólý kerek dep jarııalady. Onyń aıtýynsha, buǵan jetý úshin ýnıversıtetter balama sabaq kestesin qurýy kerek nemese aýdıtorııalardyń ortasynan bólinýin jáne oryndardyń jynysyna qaraı bólinýin qamtamasyz etýi kerek.

Talıban qozǵalysy áıelderge, stýdent qyzdarǵa sabaq beretinine úmittenetinderin aıtty. Eger bul múmkin bolmasa, er adamdar áıelderge sabaq bere alady, biraq sabaqtarda sharıǵat talaptary qatań túsindirilip, ıslam zańy basshylyqqa alynýy kerek.

Mınıstr hıdjab nemese bas kıimder mindetti kıim úlgisiniń biri bolatynyn aıtty, biraq erejeniń betti tolyqtaı jabatyny ıa jappaıtyny naqtylanbady.

Hakkanı "ıslamdyq júıedegi" jańa erejeler Batysqa qarsy júrgizilgen sátti jıhadtyń nátıjesi ekenin aıtty.

Tálipterdiń 20 jyl burynǵy úkimeti kezinde  áıelder men qyzdardyń mektepke barýyna ruqsat etilmegen. 

Mınıstr bul joly ol kezdegideı saıasatty qoldanǵysy kelmeıtinin málimdedi.

Senbi kúni tálipter prezıdent saraıynyń ústinde óz týyn kótergen bolatyn, bul – jańa úkimettiń bastalǵanyn bildiredi.

Bılik basyna oralǵannan beri Talıban áıelderge sportpen aınalysýǵa tyıym salǵan.

Kóshege shyǵyp, ózderiniń quqyn talap etken áıelderdi, sondaı-aq olardyń narazylyǵyn jarııalaǵan aýǵan jýrnalısterin soqqyǵa jyqqan.

"Qamshy" silteıdi
Ilmek sózder: Talıban Aýǵanstan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir