• USD 424.85

  • EUR 504.21

  • RUB 5.84

  • CNY 65.86

16 Qazan, 02:26:13
Almaty
+4°

Belgili bıznesmen Bolat Ábilov Forbes Qazaqstan jýrnalynyń shyǵarýshysy Armanjan Baıtasovpen suhbattar serııasynyń kezekti shyǵarylymynda 90-jyldary qylmys áleminiń serkelerimen týyndaǵan máselelerdi qalaı sheshkenin aıtyp berdi.

Kásipker Butya kompanııasy Almatyǵa BMW, Mercedes sekildi sheteldik avtokólikter ákele bastaǵan tusta "Ryjyı Almas", "Qara Almas", "Sabyrjan", "Baha-Festıval" sekildi krımınal avtorıtetter, "Aǵaıyndy tórteý" sııaqty qylmystyq toptar "krysha" bolǵany úshin bıznestiń bir bóligine ıemdenýge tyrysqanyn eske aldy.

– 1992 jyl. Saýda pavılonynyń tusynda turǵanmyn. Qarasam, ambaldaı jıyrmaǵa jýyq jigit maǵan qaraı kele jatyr eken. Aldylarynan shyǵyp, ne kerek ekenin suradym. Sóıtsem, Sabyrjanǵa (Sabyrjan Mahmetov - burynǵy krımınal avtorıtet, sportshy) kólik satyp alý úshin mashınalardy kórýge kelipti. Men salonǵa tek bir adam ǵana kire alatynyn aıttym. Olar erteń Sabyrjanmen birge keletinin aıtty. Erteńine bir top adam keldi. Biraq ishke tek Sabyrjandy ǵana kirgizdim. Ol maǵan qandaı myqty ekenin, men aqsha tólep turýym kerek ekenin aıta bastady. Men oǵan da, basqaǵa da, tipti sheneýnikterge de eshteńe tólemeıtinimdi, odan da ol aqshany qaıyrymdylyqqa bergenim artyq ekenin aıttym. Eger men tıyn bolsa da bersem, óizmdi syılaýdan qalar edim. Qyssańdar, qysyńdar, biraq bir barlyq jolmen qorǵanatynymyzdy aıttym. Sabyrjan úndemeı qaldy. Artynsha mashshınaǵa jeńildik suraı bastady. Men oǵan myqty bolsa, birden tolyqtaı tólem tasta, myqtylar jeńildik suramaıdy dedim. Ol ne aıtaryn bilmeı qaldy. Mundaı usynyspen Ryjıı Almas ta kelgen. Ol da osynaı jaýap estip qaıtty, – deıdi Ábilov.

Onyń sózinshe, sol kezde bıznesmenderdiń basym kópshiligi bandıtterge aqsha berip turýǵa májbúr bolǵan. Tek sanaýlylar ǵana tólemegen. 

– Krımınal avtorıtetter kásipkerlerdi kólik satyp alyp berýge májbúrleıtin. Men eshkimniń aty-jónin atamaımyn. Biraq Forbes Kazakhstan reıtınginde júrgen birneshe adam kezinde bandıtterge avto satyp ákergen. Men eshkimdi aıyptamaımyn. Ol kezde adamdarǵa bas tartý qıyn edi. Erik-jiger barlyǵynda bola bermedi. Dál osy jaǵdaı boıynsha budan keıin de talaı konflıkt boldy, – deıdi bıznesmen.

Oqı otyryńyz:

♦  "Ryjıı Almasqa" sende osy jerde problema bolady dedim – Bolat Ábilov reketter jaıly

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir