Rıdderde kúmis buıymǵa bola ákimshilik qyzmetkerin óltirip ketken

Shyǵys Qazaqstan oblysy Rıdder qalasynda qylmysker ákimshilikte qyzmet etetin kelinshekti óltirip ketken. Onyń artynda 3 balasy qaldy. Bul týraly Polisia.kz saıty habarlady.

Polısııa departamenti baspasóz qyzmetiniń málimetinshe, kelinshek 26 tamyzda tańerteń úıinen jumysqa shyǵyp,  iz-tússiz joǵalyp ketken.

"Uıaly telefony sóndirýli turǵan áıeldi úıinde 8-11 jas aralyǵyndaǵy úsh balasy tosyp jatty. Keshke qaraı orman ishinde júrgizilgen izdestirý sharalary barysynda onyń máıiti tabyldy. Zorlyqpen óltirilgen áıel adamnyń birneshe jerinde pyshaq jaraqattary bar. Oqıǵa ornyna О́skemennen prokýratýra basshylyǵy men krımınalıster dereý kelip jetti" delingen baspasóz habarlamasynda.

Birneshe kúnnen keıin jedel ýákilder kúdiktini ustaǵan. Buryn birneshe ret sotty bolǵan 34 jastaǵy er adam óz kinásin moıyndaǵan. Jaýap alý kezinde ol qylmysqa marqumnyń kúmis buıymdary men sómkesin tartyp alý úshin barǵanyn aıtqan.

– Qazirgi ýaqytta kúdikti qamaýǵa alyndy. Oǵan qatysty QR QK-niń (99 adam óltirý) jáne 192-baptary (Qaraqshylyq) boıynsha sotqa deıingi tergeý amaldary júrgizilýde. Osy baptar boıynsha er adam 20 jylǵa nemese ómir boıyna bas bostandyǵynan aıyrylýy múmkin, – dedi oblystyq PD bastyǵynyń orynbasary Talǵat Shaıahmetov.

Anasynan aıyrylǵan balalar jaqyn týystaryna qamqorlyqqa berildi.