• USD 468.56

  • EUR 497.56

  • RUB 7.3

  • CNY 67.18

29 Naýryz, 17:06:37
Almaty
+35°

Talıban uıymy Aýǵanstanda ústemdigin ornatyp úlgermegen jalǵyz aımaq – Pendjshır provınsııasy. Pendjshır qalasynyń qaýipsizdigin óz qolyna alǵan jetekshilerdiń biri Fehım Deshtı táliptermen aradaǵy máselelerdi kelissóz arqyly sheshýdi maqsat etkenimen, soǵysqa da daıyn ekenin aıtty. 

Onyń aıtýynsha, Pandjshırdegi jaǵdaı turaqty.

– Halyq kúndelikti jumystaryna baryp-kelip júr. Memlekettik qyzmetkeler men saýdagerler de tirshilikterin jalǵastyrýda. Alaıda Talıbannyń kez kelgen ýaqytta jasaıtyn shabýylyna daıyn bolýymyz qajet. Sondyqtan biz de jáı otyrǵan joqpyz, – dedi ol.

Fehım Deshtı tálipter men olarǵa qarsy toptar arasyndaǵy kelissóz jalǵasyp jatqanyn, Aýǵanstan halqynyń bolashaǵy, áleýmettik ádilettilikti qamtamasyz etý úshin kelissózderdi qoldaıtynyn jetkizdi. Sondaı-aq Aýǵanstandaǵy barlyq taraptar men partııalardy qabyldaıtynyn aıta kele, álemmen jaqsy qarym-qatynasta bolatynyn málimdedi.

– Biz máseleni  kelissóz arqyly sheshýge bolatynyna tolyq senemiz. Bizdiń maqsat – Pendjshırdi qorǵaý ǵana emes, sonymen birge Aýǵanstannyń búkil geografııasyn jáne elimizdiń qundylyqtaryn qorǵaý. Sondyqtan tálipter soǵys pen zorlyq-zombylyqty jalǵastyra berse, biz ózimizdi qorǵaýǵa daıynbyz, – dedi ol.

15 tamyzda tálipter Aýǵanstan astanasy Kabýldy basyp alǵanan keıin, prezıdent Ashraf Ǵanı elden ketken. "Talıban" uıymy Pendjshır provınsııasynan basqa Kabýldyń soltústigindegi barlyq aımaqtardy baqylaýǵa aldy. Pendjshırdi taýly jáne relefti (jer betindegi taýlar men oıpattar jıyntyǵy - red) jaǵdaılarǵa baılanysty alý qıyn ekeni aıtylǵan.

Ahmed Mesýd ózin Pankshır provınsııasynda qurylǵan jergilikti qarsylasý toptarynyń basshysy ekenin jarııalap, halyqty "Talıbanmen kúresýge" shaqyrdy.

"Qamshy" silteıdi
Ilmek sózder: Aýǵanstan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir