29 Shilde, 2021 NEWS
FOTO: Jeńis Ysqabaı
Qazaqstandyq boksshy Ábilhan Amanqul Tokıodaǵy olımpıada oıyndaryn jeńispen bastady. Bul týraly Olympic.kz saıty.
75 kelige deıingi salmaqta judyryqtasqan Amanqul ózbekstandyq Fanat Qahromonovpen kezdesken bolatyn.
Tartysty jekpek-jektiń birinshi raýndynda tóreshiler jeńisti ózbek boksshysyna berdi. Alaıda, ekinshi raýnda tez jınalǵan Ábilhan qarsylasyn nokdaýnǵa jiberip, úshinshi kezeńde de qarsylasynan basym tústi.
Nátıjesinde, tóreshiler qazaqstandyq boksshynyń jeńisin moıyndap, Amanqul kelesi aınalymǵa ótti.
Shırek fınalda Ábilhan Amanqul Brazılııa eliniń ókili Ebert Konseısamen qolǵap túıistiredi. Kezdesý 1 tamyzǵa josparlanǵan.
Buǵan deıin tórt qazaqstandyq boksshy qarsylastarynan jeńilip, Tokıo olımpıadasyn aıaqtaǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir