• USD 424.85

  • EUR 504.21

  • RUB 5.84

  • CNY 65.86

24 Qańtar, 11:48:29
Almaty
-3°
Prezıdent Qasym-Jomart Toqaev densaýlyq saqtaý mınıstri Alekseı Soıdyń esebin tyńdady. Bul týraly prezıdenttiń baspasóz hatshysy Berik Ýálı facebook paraqshasynda habarlady.
 
Mınıstr prezıdentke qazirgi epıdemıologııalyq jaǵdaı, ekpe egý jumystarynyń barysy jáne elge vaksına jetkizý jónindegi ýaǵdalastyqtar týraly baıandaǵan.
 
Qasym-Jomart Toqaevqa birqatar óńirde karantın sharalarynyń kúsheıtilgeni, juqpaly aýrýlar stasıonarlary men jansaqtaý bólimderinde em qabyldap jatqan naýqastar sany, dári-dármekter men basqa da qajetti jabdyqtar qory, vaksına salý qarqyny baıaý óńirlerge kórsetilip jatqan ádistemelik kómek jaıynda málimet berildi.
 
Alekseı Soıdyń aıtýynsha, maýsym aıyndaǵy jaǵdaımen salystyrǵanda shildeniń sońǵy eki aptasynda indet juqtyrǵandardyń sany 4,8 esege kóbeıgen. Kúndelikti júrgizilgen monıtorıng boıynsha 24 shildedegi málimetke sáıkes, juqpaly aýrýlar bólimderiniń 51 paıyzynda, jansaqtaý bólimderiniń 41 paıyzynda naýqastar em qabyldap jatyr. Vırýs juqtyrǵandar sanynyń kóbeıýine jáne densaýlyq saqtaý júıesine túsken salmaqtyń artýyna baılanysty shilde aıynda qosymsha 10 myń tósek-oryn ázirlengen. Qazirgi ýaqytta 21,4 myńǵa jýyq oryn rezervte tur.
 
Sonymen qatar densaýlyq saqtaý mınıstri prezıdentke álemde koronavırýs indetiniń jańa "Lıambda" shtamynyń paıda bolýy men taralýy týraly aıtty. Bul vırýs alǵash ret 2020 jylǵy jeltoqsanda Perýde tirkelgen. Búginde indettiń osy túrin 30 memlekette, negizinen Soltústik jáne Ońtústik Amerıka men Eýropa elderinde 3 myńǵa jýyq adam juqtyrǵan.
 
Qasym-Jomart Toqaev Alekseı Soıǵa eldegi epıdemıologııalyq ahýaldy qatań baqylaýda ustaýdy, jappaı ekpe salý qarqynyn arttyrýdy, naýqastarǵa ýaqytyly medısınalyq kómek kórsetý jumystaryn, sonyń ishinde alǵashqy medısınalyq-sanıtarlyq járdemdi sapaly uıymdastyrýdy tapsyrdy.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir