• USD 468.56

  • EUR 497.56

  • RUB 7.3

  • CNY 67.18

28 Naýryz, 15:05:03
Almaty
+35°

Foto: MAŃǴYSTAÝ OBLYSYNYŃ QOǴAMDYQ KOMMÝNIKASIIа ORTALYǴY

Mańǵystaý oblysynda QR Táýelsizdiginiń 30 jyldyǵy aıasynda 153 shara ótedi. Bul týraly Qoǵamdyq kommýnıkasııa ortalyǵynda ótken brıfıngide Mańǵystaý oblysy ishki saıasat basqarmasy basshysynyń orynbasary Batyrhan Qýanyshbekov málim etti.

Onyń aıtýynsha, negizgi maqsat Táýelsizdiktiń 30 jyldyq mereıtoıynyń mańyzy men tuńǵysh prezıdent – Elbasy N.Á.Nazarbaevtyń táýelsiz Qazaqstannyń qalyptasýy men damýyndaǵy rólin jetkizý arqyly qazaqstandyqtardyń patrıottyq sezimin kúsheıtý.

– Bul baǵytta artyq shyǵynǵa alyp keletin, ımıdjdik, bir rettik sharalar qysqartyldy. Halyqqa qajetti, áleýmettik salada mańyzdy jobalarǵa den qoıyldy. Shilde aıynda «Astana kúni. Nur-Sultan – tabys pen órkendeýdiń sımvoly» taqyryptyq jelisi boıynsha oblystyń barlyq qalalary men aýdandarynda josparlanǵan sharalar tıisti deńgeıde ótkizilýde. Qazirgi pandemııalyq ahýaldyń nasharlaýyna baılanysty kóptegen shara tek onlaın formatta ótkizilip otyr. Sonymen qatar, 27 óndiristik jáne áleýmettik-mádenı nysandy halyq ıgiligine tapsyrý josparlandy. Qazir birqatary paıdalanýǵa berildi, – dedi Batyrhan Qýanyshbekov.

Sondaı-aq, mereıtoı aıasynda oblys ákimi «El ıgiligi úshin!» jobasyn bekitip, qujat tıisti organdarǵa oryndaý úshin joldandy.

Aıta keteıik, joba 10 taqyrypqa bólingen jáne 74 tarmaqtan turady. Atap aıtqanda, «Bilim – taýsylmas qazyna», «Sport – densaýlyq kepili», «Deni saý ult – qýatty memleket», «Mádenıet – ulttyń beınesi», «Qaıyrymdylyq – izgi qasıet», «Otbasy – basty qundylyq», «Jastar – táýelsiz eldiń tiregi», «Basty mindet – halyqqa qyzmet», «Aýylym – altyn besigim», «Halyq úshin qolaıly orta».

– Mereıtoıǵa oraı «Jańarǵan Jańaózen» jobasy júzege asyrylýda. Joba Jańaózen qalasynyń áleýmettik-ınfraqurylymyn damytýdy, áleýmettik-mádenı, bilim, sport sharalaryn uıymdastyrýdy kózdeıdi, – dedi Batyrhan Qýanyshbekov.

MAŃǴYSTAÝ OBLYSYNYŃ QOǴAMDYQ KOMMÝNIKASIIа ORTALYǴY

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir