• USD 424.85

  • EUR 504.21

  • RUB 5.84

  • CNY 65.86

28 Qyrkúıek, 22:48:22
Almaty
+15°

Foto: Kazıs Toǵyzbaev

Táýelsiz Qazaqstandaǵy alǵashqy bıznesmenderdiń biri, saıasatker, biraz jyl oppozısııada bolǵan Bolat Ábilov kásipker, Forbes-tyń Qazaqstan men Grýzııadaǵy shyǵarýshysy  Armanjan Baıtasovqa bergen suhbatynda eńbek jolyndaǵy alǵashqy qadamdary týraly aıtty.

Bolat Ábilov Qaraǵandyda úlken januıada týǵan. Úıde 10 adam bolǵanyn, ózderimen birge ákesiniń baýyrlary turyp, jalpy jıyntyǵy 26 adam ár bólmede 5-7 adamnan uıyqtaǵandaryn aıtady.

– Qaraǵandy polıtehnıkalyq ınstıtýtyn támámdaǵan soń shahtaǵa jumys isteýge bardym. Bizdi ózińdi kórsetý úshin kóp jumys iste dep tárbıeledi. Men óndiristen bastaýǵa bel býdym. 7 jyldaı 500 metr tereńdikte jer astynda boldym. Túrli aýysymda jumys istedik. Tańerteń, kúndiz, túnde, demalystarda, merekelerde de jumys istedik. Bul jyldar ońaı bolmady. Keıde shahtada jumys istep júrgenim túsime kiredi. Sol kezde "Ne úshin?", "Nege?" Tezirek jumystan ketý kerek..." degen oılar keledi, – deıdi ol.

Kásipker shahtada jalaqysy jaqsy bolǵanyn, aıyna 500 somnan artyq tapqanymen, ol kezde jappaı tapshylyq jaılap jatqandyqtan jaratatyn jer bolmaǵanyn eske alady. Ol "Keńes úkimeti óz halqyn jek kórgeni sonshalyq, eń qajetti zattarmen qamtamasyz etpedi ǵoı. Ol júıe ómir súrýge qabiletsiz edi" deıdi ótken ǵasyrdyń 70-80 jyldardaǵy defısıt týraly.

Sondaı-aq ol jumystyń qıyndyǵyna qaramastan, shahtadaǵy kezder týraly tek jaqsy oı qalǵanyn, 7 jylda mol tájirıbe jınap, tóze bilýdi úırengenin atap ótken. Aıtýynsha, kandıdattyq dıssertasııa jazyp, bolmasa partııa jolymen bir kabınette jumys isteýine, ózin shaqyrǵan memlekettik qaýipsizdik komıtetinde (KGB) qyzmet etýine múmkindigi bola tura aýyr qyzmetti tańdaǵan. Ári bul úshin "esh ókinbeımin" deıdi.

Oqı otyryńyz:

♦ "Kók tıynsyz qaldym". "Býtıa" Almatydaǵy ómiri qalaı bastalǵanyn aıtty

♦ "Prezıdentke kelýim kerek ekenin aıtty". "Býtıa" bastyqtarmen araqatynasy jaıly baıandady

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir