• USD 424.85

  • EUR 504.21

  • RUB 5.84

  • CNY 65.86

04 Jeltoqsan, 23:29:10
Almaty
+5°

Immýnolog Juldyz Baqytjanqyzy koronavırýstyń mýtasııaǵa ushyraǵan "Delta" (úndi) shtammyn juqtyryp almaýdyń eń tıimdi joly ımmýndyq júıeni kúsheıtý dep sanaıdy.

Maman ımmýnıtetti kúsheıtý úshin aǵzaǵa nár beretin taǵamdardy tutyný asa mańyzdy degen pikirde.

– Quramynda "D" dárýmeni bar taǵamdardy, kúnbaǵys, asqabaq, kókónister men kóptegen jemister, tabıǵı aıran men sút ónimderi, bal, sıyr eti jáne balyqty jıi jeý aýrýǵa qarsy kúsh jınaýǵa járdemdesedi, – deıdi Juldyz Baqytjanqyzy.

Sondaı-aq ol "Kovıd-19-dyń mýtasııaǵa ushyraǵan kez kelgen túrine qarsy turý úshin maska kııý, áleýmettik qashyqtyqty saqtaý, qol gıgıenasy men úı-jaılardyń tazalyǵyna mán berý kerek, bastysy – vaksına saldyrý kerek" deıdi.

Qazaqstanda sońǵy birneshe aptada "úndi" shtammynyń taralýyna baılanysty koronavırýs qaıtadan órshı tústi. Búgin vırýs taralýynyń pandemııa bastalǵaly elde bolmaǵan joǵary kórsetkishi tirkelgeni habarlandy. Densaýlyq saqtaý mınıstrliginiń málimetinshe, 11 shildede 3899 adamnan koronavırýs, 40 adamnan pnevmonııa anyqtalǵan.

Búginde "Delta" shtammy eldiń barlyq óńirinde tarap úlgerdi. Mınıstrlik jańa shtammynyń juqpalylyǵy óte joǵary jáne anyqtalǵan shtamdarǵa qaraǵanda 60% juqpaly bolyp keletinin, orta eseppen 1 adamnan 5-6 adamǵa juǵatyny aıtady.

Almaty qalasynyń bas sanıtar dárigeri Jandarbek Bekshın "tumaý" sekildi belgiler baıqalsa, árkim óz betinshe emdelmeı, dereý dárigerge kórinýge shaqyrady.

"Qamshy" silteıdi
Ilmek sózder: Úndi shtammy Kovıd-19

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir