"Túlekterdiń beınejazbasy tekseriledi". Aımaǵambetov málimdeme jasady

Bilim jáne ǵylym mınıstri Ashat Aımaǵambetov tamyz aıyna deıin túlekterdiń  UBT tapsyrý kezindegi beınejazbasy tekseriletinin aıtty. Ol bul týraly mınıstrliktiń apparat jınalysynda málimdedi. 

– Bıyl UBT-ǵa 145 myńnan astam talapker qatysty. Olar UBT-ny eki márte tapsyrýǵa múmkindik aldy. Meniń oıymsha bıyl buryn sońdy bolmaǵan qolaıly jaǵdaı jasaldy. Balalarǵa yńǵaıly format boldy. Endi tamyz aıyna deıin barlyq kameralar boıynsha, zerdeleý jasaý kerek. Egerde táýekelder baıqalsa, onda tıisti sheshim qabyldaýymyz kerek. О́tken jyly mundaı jumysty alǵash ret júrgizgen edik. Sonda biz bekitilgen talaptarǵa sáıkes ózin ustamaǵan, erejelerdi buzǵan biraz talapkerdiń nátıjesin joıdyq, – dedi mınıstr.

Aımaǵanbetov qandaı oqýshylardyń beınejazbasy bólek qaralatynyn atap ótti. 

– Mysaly bıyl naýryzda túlekter synama test tapsyrdy. Sol synama testileýdiń bally men UBT bally arasynda 20 balldan kóp aýytqý bolsa, onda osyndaı aýytqý bar barlyq balanyń beınejazbasyn bólek qaraımyz. Úlken zertteý ótkizemiz.

Sonymen qosa bıyl UBT-ǵa oqýshylardy daıyndaýǵa muǵalimder qatyspady. Buryn kezekshi etý úshin 3 myńnan astam muǵalimdi eldiń túkpir-túkpirine jeberetinbiz. Olardyń qonaq úılerine qarjy ketetin.  Bıyl osy 3 myń ustaz eshqaıda jiberilmedi. UBT tapsyratyn ortalyqtardyń jergilikti fılıaldaryn da azaıtý qajet. Tek qana eń mańyzdy ortalyqtar jumys isteıtin bolady. Elektrondyq formatka kóshkennen keıin mundaı qajettilik joq, – dedi mınıstr.