• USD 424.85

  • EUR 504.21

  • RUB 5.84

  • CNY 65.86

28 Qyrkúıek, 22:58:20
Almaty
+15°

Almatydaǵy Balýan Sholaq atyndaǵy sport saraıynyń mańynda Demokratııalyq partııa bastamashyl toby jáne olardyń jaqtastary mıtıngke shyqty. Belsendiler "qymbatshylyq pen Qytaı ekspansııasyna" qarsylyq bildirip, tuńǵysh prezıdent Nursultan Nazarbaevtyń bılikten tolyq ketýin talap etti.

Narazy top endi jınalǵanda Almaty qalasy Bostandyq aýdany ákimshiliginiń qyzmetkeri sharaǵa ruhsat etilmegenin aıtyp, belsendilerdi taraýǵa shaqyrdy. Belsendiler buǵan qulaq aspaı, ákimshilik ókilin sóıletpedi. Alańǵa úlkeni-kishisi, er-áıel bar 50-ge jýyq belsendi jınalǵany baıqalady. Aralarynda arbaǵa tanylǵan múmkindigi shekteýli bir adam boldy. Al formadaǵy polıseıler men polısııa arnaıy jasaǵanynyń sany narazy toptan birneshe ese kóp. 

Belsendiler aldymen sport saraıynyń sol jaǵynan bastap Abaı dańǵylynyń boıymen sherýletpen bolǵan. Alaıda Baıtursynov kóshesin qıyp, Abaı dańǵylymen júrýge árekettengende olardy arnaıy jasaq alǵa júrgizbedi. Belsendiler Baıtursynov kóshesimen Sátbaev kóshesine qaraı baǵyt alǵanda arnaıy jasaq aldyn bógep, jan-jaǵynan qorshaýǵa aldy.

06.07.2021. Almatydaǵy mıtıng/Foto: Qamshy.kz

06.07.2021. Almatydaǵy mıtıng/Foto: Qamshy.kz

06.07.2021. Almatydaǵy mıtıng/Foto: Qamshy.kz

06.07.2021. Almatydaǵy mıtıng/Foto: Qamshy.kz

Artynsha belsendiler turǵan – Abaı men Baıtursynov qıylysyna avtobýstar tizilip qoıyldy.

06.07.2021. Almatydaǵy mıtıng/Foto: Qamshy.kz

06.07.2021. Almatydaǵy mıtıng/Foto: Qamshy.kz

Syrt jaqtan qaraǵan adamǵa alańda ne bolyp jatqany kórinbeıdi. Uzamaı aýmaqta jaıaý júrginshiler joly shekteldi. Internet baılanysy múlde istemeıdi.

♦Almatydaǵy mıtıng kezinde belsendilerdiń soqqyǵa jyǵylǵany habarlandy

Qorshaýdaǵy belsendiler kezek-kezek sóz alyp, rýpormen talaptaryn jetkizdi.

06.07.2021. Almatydaǵy mıtıng/Foto: Qamshy.kz

06.07.2021. Almatydaǵy mıtıng/Foto: Qamshy.kz

Olar Qazaqstanda Qytaı ekspansııasy agressıvti túrde júrip jatqanyn, Qazaqstan aýmaǵyndaǵy Qytaı ınvestorlary óndiris oryndarynda jergilikti halyq quqyǵyn taptap jatqanyn aıtty. Qytaılyq kompanııalardaǵy jergilikti jumysshylardyń jalaqysy qytaı mamandardan edáýir az ekenin, sondaı-aq jergilikti jumysshylar tek qarapaıym jumysqa alynatynyna narazylyq tanytty. Olardyń sózinshe, Almaty – О́skemen avtojoly qurylysynda ter tógip júrgen jergilikti jumysshylar jalaqysynyń azaıýy sondaı jaǵdaılardyń biri ǵana.

Sondaı-aq belsendiler qymbatshylyq halyqty tıtyqtatyp jibergenin aıtyp, baǵanyń yryq bermeı otyrǵanyna bılikti kinálady. Nursultan Nazarbaevtyń týǵan kúnimen tuspa-tus keletin 6 shilde – Astana kúnin "mereke dep sanamaımyz", "6 shilde qasiretti kún", "Qazaqstan monarhııaǵa aınalyp bara jatyr" dep málimdedi.

Narazy top birneshe márte qorshaýdan shyǵýǵa áreket jasaǵanymen, arnaıy jasaqtan óte almady. Sondaı áreketterdiń birnesheýinde belsendiler men arnaıy jasaq qaqtyǵysqa túsip, belsendi Danaıa Kalıeva qolyn, Yrysbek Toqtasyn aıaǵyn jaralap aldy.

06.07.2021. Almatydaǵy mıtıng/Foto: Qamshy.kz

06.07.2021. Almatydaǵy mıtıng/Foto: Qamshy.kz

Alańda betterin tumshalap, vıdeoǵa túsirip júrgen azamattyq kıimdegi adamdar kóp boldy. Belsendiler olardy "arandatýshylar", "qarabetter" dep ózderiniń mańyna jolamaýdy talap etti. Alaıda ol adamdar áreketterin jalǵastyrýyn toqtatpady. Sondaı sátterdiń birinde belsendiler emosııaǵa erip berip qolyndaǵy bótelkelerin, plakattaryn belgisiz adamdarǵa qaraı sermep, qaqtyǵysa jazdady.

06.07.2021. Almatydaǵy mıtıng/Foto: Qamshy.kz

Narazy azamattar "alańǵa qıratý, búldirý úshin emes, óz pikirin bildirý úshin shyqtyq" deıdi. Arasynda buǵan deıin mıtıngke shyǵýǵa oqtalǵanymen, uıalyp júrgenin, osy joly táýekelge bas tigip alańǵa kelgenin aıtqan, "mıtıngke shyqqanyna bola jumystan shyǵarsa, shaǵaryp jibersin" degen belsendiler de boldy. Olar "dıktatorlyq rejım máńgi turmaıtynyn" atap ótip, azamattardy oıyn bildirý úshin alańǵa kelýden qoryqpaýǵa, qatarlaryna qosylýǵa úndedi.

06.07.2021. Almatydaǵy mıtıng/Foto: Qamshy.kz

06.07.2021. Almatydaǵy mıtıng/Foto: Qamshy.kz

Melis Seıdahmetov

Almaty oblysy Kerbulaq aýdany Qyzyljar aýylynda týǵan. Ál-Farabı atyndaǵy Qazaq ulttyq ýnıversıteti fılosofııa jáne saıasattaný fakýltetin bitirgen. 2015-2019 jyldary «Prezıdent jáne Halyq» gazetinde tilshi, shef-redaktor bolyp istegen. 2019 jyldan beri Qamshy portalynda qyzmet atqarady.

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir