22 Maýsym, 2021 Aqtóbe oblysy
Foto: Aqtóbe oblysy ákimdiginiń baspasóz qyzmeti
Bul týraly OKQ-de ótken baspasóz máslıhatynda Aqtóbe oblysynyń ákimi Ońdasyn Orazalın jetkizdi.
«Oblysta jaqsy jáne qanaǵattanarlyq jaǵdaıdaǵy joldardyń úlesi búgingi kúni 61% quraıdy. 5 jyl buryn bul kórsetkish 48% boldy. Bıyl 465 shaqyrym joldy jóndeý josparlanǵan. Nátıjesinde jaqsy jáne qanaǵattanarlyq jaǵdaıdaǵy joldardyń úlesi 66% -ǵa deıin artady», - dedi O. Orazalın.
Atap aıtqanda, 2021 jyly quny shamamen 47 mlrd. teńge bolatyn Aqtóbe - Atyraý - RF (Astrahanǵa baratyn jol) shekarasy arasyndaǵy avtokólik jolyn paıdalanýǵa berý josparlanyp otyr. Sonymen birge «Aqtóbe-Qandyaǵash» ýchaskesin qalpyna keltirý jumystary bastaldy, jobanyń jalpy quny 62,5 mlrd. teńge.
Sondaı-aq, aǵymdaǵy jyly Aqtóbe - Orsk, Aqtóbeniń Ońtústik aınalma joly, Qobda - Mártók ýchaskelerin qalpyna keltirý jáne kúrdeli jóndeý sııaqty iri jobalardy aıaqtaý josparlanýda.
Qalalyq tasymaldaý jumystaryna keletin bolsaq, munda elektrondy tólem júıesi men jolaqynyń dıfferensııalanǵan túri engizilip, 250 qalalyq marshrýttyq avtobýstarda valıdatorlar ornatylǵan.
Oblystyq avtobýs baǵytyndaǵy 10 tasymaldaýshynyń shyǵynyn sýbsıdııalaýǵa 96 mln teńgeden astam qarajat bólindi.
Temirjol tasymaly salasynda bıyl áleýmettik mańyzy bar «Aqtóbe-Shalqar» aýdanaralyq baılanysyn sýbsıdııalaýǵa 324 mıllıon teńge bólindi. 
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir