Qazaqstannyń bir oblysynda karantın sharalaryna ózgerister engiziledi

Aqtóbe oblysynyń bas sanıtar dárigeri N.Berkimbaeva karantın sharalaryna birqatar ózgeris engizdi.

Qaýly 2021 jyldyń 4 maýsymy saǵat 00:00-den bastap kúshine enedi.

Jańa qaýlyda:

• ashyq aýadaǵy akvaparkterdiń qyzmetine ruqsat beriledi;
• jaǵajaılardyń jumysyna ruqsat etiledi;
• keńesterdi (otyrystardy) kúndizgi rejımde ótkizýge (olardy qashyqtyqtan ótkizý múmkindigi bolmaǵan kezde) ruqsat beriledi;
• betperde rejımin, áleýmettik qashyqtyqty saqtaı otyryp, ashyq aýada kınoteatrlardyń jumysyna ruqsat etiledi;
• Ulttyq quramalar, klýbtyq komandalar úshin sporttyq jattyǵýlardy (30 adamnan artyq emes, denemen janaspaıtyn ádispen dene qyzýyn ólsheý, sport bazalarynda turý) ótkizýge bolady;
• sportshylar men jattyqtyrýshylar quramy COVID-19-ǵa qarsy vaksınasııalaýdyń tolyq kýrsyn alǵany týraly qujattamalyq rastaý usynǵan jaǵdaıda oblystyq komandalardy daıyndaý úshin oqý-jattyǵý jıyndaryn qaıta bastaýǵa bolady;
• qoǵamdyq oryndarda, halyqtyń kelýine, qyzmet kórsetýine jáne demalýyna arnalǵan úı-jaılarda, qoǵamdyq kólikte (onyń ishinde taksıde), qoǵamdyq oryndaryndaǵy ashyq aýada bolǵan kezde barlyq adamdarǵa medısınalyq nemese mata betperdelerin mindetti túrde taǵýy qajet;
• ata-analardyń ótinishi boıynsha synypta balalar sanyn 15 adamnan asyrmaı, barlyq synyp oqýshylary úshin jazǵy mektepterde oqýǵa ruqsat beriledi;
• orta jáne joǵary oqý oryndarynyń I kýrs stýdentteri shtattyq rejımde oqı alady.

Qaýlynyń tolyq nusqasymen myna siltemede.