• USD 424.85

  • EUR 504.21

  • RUB 5.84

  • CNY 65.86

18 Qazan, 04:43:48
Almaty
+3°

Almaty oblysy Jarkent qalasynyń ákimi Bolat Omarov belsendilerdi qoldaýǵa shyqqan kólik júrgizýshilerine dóreki sóılegeni úshin tártiptik jaýapkershilikke tartyldy. Bul týraly 24.kz arnasy habarlady.

Memlekettik qyzmet isteri agenttiginiń Almaty oblysy boıynsha departamenti áleýmettik jelilerge monıtorıng júrgizý barysynda Jarkent qalasynyń ákimi Omarovqa qatysty vıdeolardy anyqtaǵan. Sol boıynsha departament tıisti sharalar qabyldaý úshin Almaty oblysy ákiminiń apparatyna hat joldady.

"Almaty oblysy ákimi apparatynyń Ádep jónindegi ýákiliniń 2021 jylǵy 5 mamyrdaǵy jaýabyna sáıkes, Panfılov aýdany ákiminiń 2021 jylǵy 28 sáýirdegi № 70 ókimimen B.Sh. Omarov buzýshylyqtar úshin qatań sógis túrinde tártiptik jaýapqa tartylǵany anyqtaldy" delingen habarlamada.

Eske sala keteıik, 22 sáýirde "Qorǵas" shekara mańy yntymaqtastyǵy halyqaralyq ortalyǵyndaǵy Nur joly stansasynda eki júk kóliginiń júrgizýshisi zańbuzýshylyqtar jasap, qamaýǵa alynǵan. Shekara aýmaǵynda kezekte turǵan 100-ge jýyq júk kóliginiń júrgizýshisi Panfılov aýdandyq polısııa bóliminiń aldyna jınalyp, áriptesterin bosatýdy talap etken. Áleýmettik jelide taraǵan vıdeodan jınalǵandardy taraýǵa shaqyrýǵa kelgen ákim júrgizýshilerge dóreki sóılep, beıádep sózder aıtqanyn kórýge bolady.

Vıdeoda ákim narazylyqqa shyqqan júrgizýshilermen kezdesip, olarǵa "sen" dep sóılep, qaıtýǵa shaqyrady. Keıin jınalǵandardyń biri "Ákim myrza sizdi halyq saılady ǵoı, bárin jaılap túsindirip berseńizshi" degende, "Meni sen saılaǵan joqsyń" dep jaýap bergen.

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir