Qazaqstannyń taǵy bir oblysynda karantın kúsheıtildi

Qaraǵandy oblysynyń bas sanıtar dárigeri Iý. L. Zalygın karantın týraly №2 qaýlysyna ózgerister men tolyqtyrýlar engizdi.

Qaýlyǵa sáıkes: 

• 300 oqýshyǵa deıingi kontıngenti bar, synyptaǵy balalar sanyn 25 adamnan asyrmaı qalalyq jáne aýyldyq mektepterde oqýshylar dástúrli formatta oqytylady.
• bilim berý uıymy ákimshiliginiń sheshimi boıynsha sabaqtan tys ýaqytta 10 adamnan aspaıtyn toptarda oqýshylardy jeke oqytýǵa ruqsat. Bul rette Qaraǵandy, Temirtaý, Saran, Balqash, Shahtınsk, Proızersk, Jazqazǵan, Sátpaev qalalarynda jáne Abaı, Nura, Osakarov aýdandarynda áleýmettik qashyqtyq, shahmattyq tártippen otyrǵyzý jáne maska rejımi saqtalyp, toptarda balalar sany 5 adamnan aspaýǵa tıis;
• bitirýshi synyptar aptanyń 6 kúni ishinde aralas formatta oqytylady (9, 11 (12) synyptar): pánderdiń 70 paıyzy shtattyq rejımde, 30 paıyzy qashyqtan oqytylady (synypta bala sany 15-ten aspaý);
• Qaraǵandy, Temirtaý, Saran, Balqash, Shahtınsk, Proızersk, Jazqazǵan, Sátpaev qalalarynda jáne Abaı, Nura, Osakarov aýdandarynda mektepaldy synyptyń oqýshylary 1-5 synyptardy qosa alǵanda, jalpy bilim beretin mektepterde 1-7 synypty qosa alǵanda, halyqaralyq mektepter qashyqtan oqytý formatyna kóshedi.

Atalǵan qaýly qol qoıylǵan kúninen bastap kúshine enedi.