Búgin Mańǵystaý oblysyna jumys saparymen barǵan QR Premer-mınıstri A.Mamın Túpqaraǵan aýdanynda ornalasqan «Aqtaý Agro» qus fabrıkasynyń jumysymen tanysty. Jumysyn bastaǵan kásiporyn jylyna 5 myń tonna taýyq etin óndirýge qaýqarly. Qus fabrıkasy janyndaǵy ınkýbatorǵa jumyrtqalardyń alǵashqy partııasy 9 sáýirde salynǵan-dy. Mańǵystaýǵa Reseıden 38 jarym myńǵa jýyq ınkýbasııalyq jumyrtqa kelgen edi. Sol mólsherdegi ekinshi partııa 25 sáýirde salyndy. Mamandardyń aıtýynsha, broıler parodasynyń alǵashqy balapany 30 sáýirde shyǵady.

«Aqtaý Agro» JShS - Mańǵystaý oblysynda qus etin óndiretin eń iri jáne biregeı óndiris oshaǵy. Onda jylyna 5 myń tonna taýyq etin shyǵarý josparlanǵan. Bul ınvestısııalyq jobany iske asyrý óńirdiń qus etine qajettiligin 50% - ǵa jabýǵa múmkindik beredi. Nysan 3 alańnan turady: ınkýbator, 30 myńnan astam qusqa arnalǵan 16 qora jáne qus soıý sehy. Jobanyń jalpy quny 5,7 mlrd.teńge. Bul somanyń 30% -y otandyq ınvestorlardyń qarajaty, qalǵan bóligin «Agrarlyq nesıe korporasııasy» qarjylandyrdy.

«Aqtaý Agro» JShS dırektory Danııar Turǵynovtyń aıtýynsha, qus sharýashylyǵy keshenin iske qosý óńirge 90-nan astam jumys ornyn ashady. Josparǵa sáıkes ónimniń birinshi partııasy maýsym aıynyń sońyna qaraı aımaqtyń saýda sórelerine shyǵarylady. Daıyn salqyndatylǵan ettiń ortasha salmaǵy shamamen 1,5-2 kg quraıdy.

«Aqtaý Agro» JShS budan bólek Munaıly aýdanynda qýattylyǵy saǵatyna 10 myń tonna jem shyǵaratyn qurama jem zaýytynyń qurylysyn júrgizip jatyr. Bul óndiris tek qus fermasynyń qajettilikterine ǵana jumys iatemeı, iri qara malǵa da jem shyǵarý josparlanǵan», - dedi qus fabrıkasynyń basshysy D.Turǵynov.

"Qamshy" silteıdi
Ilmek sózder: Mańǵystaý

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir