Aqsha, órkenıet, ádilet? Mıllıonerdi restorannan qýyp shyqqan daıashy qyzdyń oqıǵasy

Adamzat 7 myń jyldyq órkenıetti tarıhty ótkerip, búgingideı kúnge jetken bolsa da, ókinishke qaraı keıbir adamdar áli de júrek syzdatarlyq ister jasaıdy.

О́zderi oılaǵan keıbir sebepterge baılanysty keıbir adamdar ózderin basqalardan joǵary sanaıdy. Keıbir adamdar tabysty bolǵany úshin nemese jaqsyraq qarjylyq jaǵdaıy úshin ózderine kóbirek senim men abyroı alyp, kóptegen iste erekshe quqyqtymyn dep oılaıdy. О́zderi qalaǵan barlyq nárseni istegisi keledi.

Tómende osy taqyrypqa qatysty ómirde bolǵan oqıǵany oqı otyryńyz.

Oqıǵa áleýmettik jelide myńdaǵan adamnyń nazaryn aýdarǵan. Oqıǵada ádilet jaǵynda bolǵan jas daıashy qyz jalpy halyqtyń alqaýyn alyp, bir kúnde juldyz bolǵan-dy.

Djenıka degen jas qyz Sılıkondy alqapta ornalasqan qymbat jáne elıtalyq restoranda daıashy bop jumys isteıtin. Ol jumys istegen restoranǵa kóptegen qarjylyq tabysqa jetken bıznesmender kelip, kól-kósir otyryp ketetin. Olar da ádettegi adamdar sııaqty kúndelikti qýanyshy men jubanyshy, problemalary bar jandar edi. Tek bir ǵana aıyrmashylyǵy, olardyń kartochkasynda esepsiz aqsha bar. Degenmen, qansha baılyǵyń bolsa da kishipeıildikti saqtaý óte mańyzdy, árıne.

Bir restoranda bir oqıǵa bolyp, daıashyny álemge áıgili jan etti.

Ol ádettegi kesh edi. Eshkim de problema týyndaıdy dep oılamaǵan-dy. Restoranda ásem mýzyka qoıylyp, adamdar jaıbarqat demalyp otyrǵan. Djenıka klıentterge jarqyn júzben kúlimsirep, qyzmet kórsetip júrdi.

Restoranda bir qaltaly klıent óz tapsyrysyn kútip otyrdy. Ol turaqty klıent edi jáne únemi aıtarlyqtaı artyq aqsha tastap ketetin.

Ol adamnan birneshe metr qashyqta bir azııalyq otbasy otyrdy. Olar mundaı qymbat restoranǵa kóp bara almaıtyn-dy. Bul joly otbasynyń bir múshesiniń týǵan kúni bolyp, osy elıtalyq restoranda atap ótýdi kóp ýaqyttan beri josparlap kelgen.

Bir qyzyǵy, azııalyq otbasy restoranǵa kirgennen bastap, qaltaly klıent oǵash qylyq kórsete bastaıdy. Azııalyq otbasynyń isterin synaı qarap otyrady. Azııalyq otbasy aýqatty bolmaǵan soń, tapsyrys bergende baǵalarǵa qarap, oılanyp, tańdaý jasap jatty. Jigit tipti de qadalyp baqylap otyrdy.

Sosyn, mıllıoner klıent provakasııalyq ister jasaı bastady. Olardyń qymbat restoranda tamaqtanǵanyna qarqyldap kúldi. Otyrǵandardyń nazaryn ádeıi ózi qaraǵan jaqqa aýdardy. Azııalyq otbasydaǵy qart adam da baı jigittiń mazaqtap otyrǵanyn túsindi. Jigit olarǵa qarap, dóreki qımyldar istedi jáne restoran olar sııaqty jarlylar úshin emes, qarjylyq tabysty adamdar úshin laıyqty ekenin eskertip, aqyl aıtty. Múmkin, jigitke alkogol áser etip turǵan shyǵar nemese ómirinde bir problemalar bolǵan shyǵar. Biraq ol sebepterdiń eshqaısysy oǵan syltaý bola almaıtyn edi.

Nátıjesinde týǵan kún otyrysynyń shyrqy buzylǵydaı boldy. Otbasy músheleri ár jaqta úndemeı yńǵaısyzdyqta otyrdy. Sosyn ketpekke daıyndaldy. Bastaryn ızep, esep jabatyn yńǵaı tanytty.

Sol kezde oılamaǵan jaǵdaı boldy. Jańaǵy Djenıka degen jas daıashy qyz keldi de, otbasy músheleriniń ıyǵynan ustap, keshirim surady. Jáne ketpeýin ótindi de, jaǵdaıdy ózi retteıtinin aıtty.

Artynsha Djenıka dóreki jigitke bardy. Eshqandaı qaımyqpastan mıllıoner jigitke betpe-bet keldi de, otbasydan keshirim suraýy kerektigin aıtty. Bolmasa, restorannan ketýin talap etti. Otbasynyń jaǵyna shyǵyp, jigitke "Seni bul restoranda endi eshkim kútpeıdi" dep tótesinen aıtty.

Qarjylyq tabysty jigit jas qyzǵa aıqaılaı bastady. О́ziniń bul restorannyń turaqty klıenti ekenin, restoranǵa myńdap tabys kirýine sebep bolǵanyn aıtyp, jas qyzdy da, azııalyq otbasyny da boqtaı bastady. Jalpy oqıǵany restoranda otyrǵan bir klıent vıdeoǵa túsirip turǵan edi. Sosyn oqıǵa vıdeosy ınternetke júkteldi.

Vıdeo birneshe kún ishinde myńdaǵan adamǵa tarap ketti. Keıinirek, oqıǵaǵa qatysqandardyń kim ekeni ekeni anyq boldy.

Azııalyq otbasy qarapaıym kiristegi otbasy eken de, olar qymbat restoranda týǵan kúndi atap ótý úshin kóp ýaqyttan beri daıyndalǵan. Al, dáýletti jigit "Solid8" degen baǵdarlamalyq kompanııany qurýshy jáne bas atqarýshy dırektory eken.

О́te kóp adamdardyń ashýly jazbalary men narazylyqtarynan keıin qaltaly jigit akkýntyn óshirýge májbúr bolǵan. Oǵan qosa, otbasydan jáne vıdeony kórgen barlyq adamdardan keshirim suraǵan.

Al azııalyq otbasynyń jaǵyna shyǵyp, qorǵaǵan Djenıka qalaı boldy deseńiz, ınternette myńdaǵan adam jas daıashy qyzdy qoldaǵan. Ádiletti jaqtap, restorannan mıllıonerdi qýyp shyqqan júrekti qyz úshin halyq aqsha jınaǵan. Qorǵa birneshe kúnde 60 myń dollar jınalǵan. "Qor áli de kóbeıip jatyr" deıdi áleýmettik jelidegi qoldaýshylar.

"О́zińe uqsamaǵany úshin eshkimdi dıskrımınasııaǵa ushyratýǵa qaqyń joq" deıdi Djenıka.

Iá, jas qyz restoranda daıashylarǵa kóp artyq aqsha tastap ketetin mıllıoner ári turaqty klıentti qýyp shyqty. Ol aqshany emes, ádiletti tańdady.

Siz ne isteıtin edińiz?