Hoým Kredıt holdınginiń ıesi tikushaq apatynan qaza tapty

Chehııanyń eń baı adamy, PPF Group N.V (Halyqaralyq ınvestısııalyq-qarjy toby) negizin qalaýshy jáne ıesi Pıter Kellner, Alıaskadaǵy Knık muzdyǵynyń janynda bolǵan ushaq apatynan qaza tapty dep, – habarlady informburo.kz saıty.

Tikushaq apatynan jalpy 5 adam qaza tapqan. Olardyń qatarynda Petr Kellnerden bólek cheh týrısi, eki gıd jáne ushqysh bar. Ekıpajdyń taǵy bir múshesi tiri qalqan. Alaıda onyń jaǵdaıy qazir aýyr. Apattyń sebepteri anyqtalyp jatyr.

Kásipkerdiń aktıvteri Qazaqstanda da bolǵan. PPF Group N.V, (Halyqaralyq ınvestısııalyq-qarjy toby) "Hoým Kredıt"-tiń iri aksıonerleriniń biri. Al Qazaqstandaǵy "Hoým Kredıt banki" Hoým Kredıt N.V.  holdınginiń enshiles kompanııasy.

Pıter Kellnerdiń baılyǵy 17,5 mıllıard dollarǵa baǵalanǵan.