• USD 468.56

  • EUR 497.56

  • RUB 7.3

  • CNY 67.18

29 Naýryz, 09:38:30
Almaty
+35°

Semeı qalalyq máslıhaty jańa shaqyrylymynyń depýtattary prezıdent Qasym-Jomart Toqaevtyń atyna qoǵamdyq kólik salasynda qalyptasqan jaǵdaıǵa baılanysty hat jazdy. Bul týraly Politic saıty habarlady.

"Semeı qalasynyń turǵyndary jyl boıy qozǵalys kestesiniń buzylýyna baılanysty tasymaldaýshylardyń jumys sapasyna narazy. Júrgizýshiler birneshe ret jalaqylaryn ýaqytyly tóleýdi talap etip, jolǵa shyǵýdan bas tartqan bolatyn. Bul – kólik qozǵalysyn toqtatyp, qalada áleýmettik shıelenis týdyrdy" delingen depýtattar hatynda.

Máslıhat depýtattarynyń aıtýynsha, 2017 jyly jekemenshik park ıeleri jolaýshylar kóligi qozǵalysyn toqtatqannan keıin oblys basshylyǵy jeke ınvestısııalardy tarta otyryp, memlekettik-jekemenshikseriktestik negizinde Semey Bus mýnısıpaldyq avtobýs parkin qurý týraly sheshim qabyldaǵan. Jańa kásiporyn QDB bankin qarjylandyrý kezinde otandyq óndiristiń 170 avtobýsyn kredıttik negizde satyp alǵan. Osylaısha, Semeı jyljymaly quramdy 100 paıyz jańartyp, "Sıfrly Qazaqstan" baǵdarlamasy boıynsha elektrondyq bıletteýdi engizgen alǵashqy óńir boldy. Bul eki shart tıimsiz marshrýttardy sýbsıdııalaýǵa odan ári negiz boldy. Osy rette elektrondyq bıletteýdi engizý bıýdjetke salyq túsimin on esege, ıaǵnı 50 mln teńgeden 500 mln teńgege deıin ulǵaıtqan.

"Bastapqyda jobany qoldaý týraly 2018 jylǵy 24 jeltoqsandaǵy kelisimmen Shyǵys Qazaqstan oblysynyń ákimdigi, Qazaqstannyń qaıta qurý banki jáne avtopark arasynda áleýmettik mańyzy bar, ıaǵnı tıimsiz marshrýttar boıynsha tasymaldardy sýbsıdııalaý qarastyrylǵan bolatyn. Oblystyq máslıhattyń 2020 jyldyń 9 qazanyndaǵy qaýlysymen Semeı qalasyndaǵy 38 marshrýttyń 38-i de áleýmettik mańyzdy, ıaǵnı zalaldy marshrýttar dep tanyldy. Munyń ózi olardy sýbsıdııalaýǵa negiz bola alady.

Búginde Semey Bus JShS qaryzyna baılanysty qıyn jaǵdaıǵa ushyrap tur. Osyǵan baılanysty park óz jumysyn toqtatý qaýpi bar. Sonyń kesirinen qala tirshiligi toqtap, qoǵamdyq rezonans týýy múmkin. О́ıtkeni qalanyń barlyq marshrýt jelisiniń shamamen 70 paıyzyn osy park arqyly júzege asyrylatyn tasymaldar kólemi quraıdy.

Bıyl bul másele Semeı qalasy jáne oblys ákimdiginde, sondaı-aq qalalyq máslıhattyń Nur Otan partııasy depýtattyq fraksııasynda birneshe ret talqylaýǵa shyǵaryldy. Alaıda naqty sharalar qabyldanbady" delingen hatta.

Sonymen qatar úndeýde MJÁ baǵdarlamasy boıynsha jańa avtobýs parkin qurý máselesine qatysty birqatar suraqtar týyndaǵany aıtylǵan. Al Semey Bus avtobýs parkin qurýǵa oblystyq bıýdjetten 620 250 000 teńge jáne 658 837 000 teńge jeke ınvestısııa salynǵan bolatyn.  

Depýtattar Qasym-Jomart Toqaevtan Shyǵys Qazaqstan oblysy ákimdiginiń jobany qoldaý týraly kelisimde kózdelgen sýbsıdııalardy bólý jónindegi óz mindettemelerin oryndaýyna yqpal etýdi suraıdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir