• USD 424.85

  • EUR 504.21

  • RUB 5.84

  • CNY 65.86

24 Qazan, 18:10:10
Almaty
+7°

Almatydaǵy Shoqan Ýálıhanov atyndaǵy alańda Demokratııalyq partııa bastamashyl toby men onyń jaqtastarynyń Qytaı ekspansııasyna qarsy mıtıngi bastaldy.

Mıtıngke Almaty ákimdigi ruhsat bergen. Alaıda oqıǵa ornynda júrgen Qamshy tilshileri alańdy arnaıy jasaq pen polısııa qyzmetkerleri Dostyq jáne Qonaev kósheleri jaǵynan jaýyp tastaǵanyn, alańda ınternet istemeıtinin, 4 adamdy avtozagqa salyp alyp ketkenin aıtady.

Demokratııalyq partııa bastamashyl tobynyń jetekshisi Janbolat Mamaı Qamshy tilshisine budan bólek taǵy 6 adamdy ustaǵanyn jetkizgen.

Foto: qamshy.kz

Janbolat Mamaı ustalǵan jaqtastaryna arasha túspek bolǵanymen, arnaıy jasaq ókilderi oǵan mursat bermegen. Bul jaǵdaıǵa pikir bildirgen ol "zańdy mıtıng bola tura bılik zańsyzdyqqa baryp otyr" deıdi.

Mıtıngke shyqqandardyń qoldaryndaǵy plakattarda "Qytaı elshisi elshi me, jaýshy ma?", "Úkimet Qazaqstandy saýdaǵa salmaq", "Qytaı ekspansııasyna jol joq", "Qytaı, jerimizge kóz salma", "Jerińdi qorǵamasań, "jer" bolasyń", "Qytaı ekspansııasy táýelsizdikten aıyrý", "Jer satylmaıdy, jalǵa berilmeıdi", "Sańyraý prezıdent kerek emes", "Ultaraqtaı bolsa da, ataqonys jer qymbat" dep jazylǵan.

Foto: qamshy.kz

Osy kúni sheteldegi oppozısıoner Muhtar Áblıazov ta jaqtastaryn birneshe qalada mıtıngke shyǵýǵa shaqyrǵan. Almatydaǵy mıtıng orny retinde ol da Shoqan Ýálıhanov atyndaǵy alańdy belgilegen.

Dempartııa belsendisi Dáýren Dostııarov alańda 400-ge jýyq jaqtastarynyń júrgenin aıtady. Sondaı-aq ol alańǵa kele jatqan belsendilerdiń jolda ustalǵany týraly habar jetip jatqanyn jetkizdi.

Qamshy tilshisi de bul jolǵy mıtıngke buǵan deıingi aksııalarǵa qaraǵanda kóp adamnyń jınalǵanyn baıqaǵan.

Oqı otyryńyz:

♦ Almatydaǵy mıtıng. Narazy topqa belgili oppozısııalyq jýrnalıster qosyldy

♦ Janbolat Mamaı: Qazaq jerinde Qytaıdyń 56 zaýytynyń qurylysyn júrgizýge qarsymyz!

Qundyzaı О́tegen

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir