• USD 424.85

  • EUR 504.21

  • RUB 5.84

  • CNY 65.86

28 Qarasha, 15:29:01
Almaty
+6°

Foto: qamshy.kz. Ermurat Bapı/Rysbek Sársenbaı

Almatydaǵy Shoqan Ýálıhanov atyndaǵy alańda ótip jatqan Demokratııalyq partııa bastamashyl toby jaqtastarynyń mıtıngine oppozısııalyq jýrnalıster Ermurat Bapı men Rysbek Sársenbaı da keldi.

Mıtıngte sóz alǵan Ermurat Bapı bılikke qarsy áreketterde halyqtyń qoly bıliktiń jaǵasyna jetetindeı jaǵdaıda bolýy kerek ekenin aıtty.

jýrnalıst Ermurat Bapı

– Halyqtyń eki qolyna bir kúrek bolatyndaı jumys joq. Endi eki aıaǵymyzdy basyp turatyn jerimizdi de ózimizge qaldyrmaıyn dep jatyr. Jer máselesine qatysty jalpyhalyqtyq qozǵalys uıymdastyrý kerek. Buǵan barlyq uıymdar qatysýy kerek. Qazaqtyń jeriniń máselesi jalpyhalyqtyq másele, bizdiń erteńgi bolashaǵymyzdyń máselesi. Jalpyhalyqtyq mıtıng jasaǵanda ǵana jerimizdi qorǵap qala alamyz, – dedi ol.

Jýrnalıst Rysbek Sársenbaı Qazaqstannyń eks-prezıdenti Nursultan Nazarbaev ta, qazirgi prezıdent Qasym-Jomart Toqaev bergen ýádelerin oryndamaǵanyna nazar aýdardy.

jýrnalıster Rysbek Sársenbaı

– Búgin el, jerdi, táýelsizdikti qorǵamasaq, erteń kesh bolady. Bulaı jalǵasa berse, jerden de, elden de aıyrylamyz. Nazarbaev pen Toqaev 500 myń adamdy jumyspen qamtıtyndaryn, 1200 kásiporyn salatyndaryn aıtqan. Sol ýádeleri qaıda? Qaıda sol kásiporyndar? Sol 1200 kásiporyn búginde jumys istep tursa, Qytaıdyń 56 zaýytyna kúnimiz qarap qalar ma edi, – deıdi jýrnalıst.

Mıtıng ótip jatqan aýmaqta áli de ınternet istemeıdi.

Mıtıngke shyqqandardyń qoldaryndaǵy plakattarda "Qytaı elshisi elshi me, jaýshy ma?", "Úkimet Qazaqstandy saýdaǵa salmaq", "Qytaı ekspansııasyna jol joq", "Qytaı, jerimizge kóz salma", "Jerińdi qorǵamasań, "jer" bolasyń", "Qytaı ekspansııasy táýelsizdikten aıyrý", "Jer satylmaıdy, jalǵa berilmeıdi", "Sańyraý prezıdent kerek emes", "Ultaraqtaı bolsa da, ataqonys jer qymbat" dep jazylǵan.

Osy kúni sheteldegi oppozısıoner Muhtar Áblıazov ta jaqtastaryn birneshe qalada mıtıngke shyǵýǵa shaqyrǵan. Almatydaǵy mıtıng orny retinde ol da Shoqan Ýálıhanov atyndaǵy alańdy belgilegen.

Dempartııa belsendisi Dáýren Dostııarov alańda 400-ge jýyq jaqtastarynyń júrgenin aıtady. Sondaı-aq ol alańǵa kele jatqan belsendilerdiń jolda ustalǵany týraly habar jetip jatqanyn jetkizdi.

Qamshy tilshisi de bul jolǵy mıtıngke buǵan deıingi aksııalarǵa qaraǵanda kóp adamnyń jınalǵanyn baıqaǵan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir