Almaty polısııasy alaıaqty anyqtaýǵa shaqyrady

Almaty qalasy Túrksib aýdanynyń polısııa qyzmetkerleri ózin avtokólik jóndeýshi retinde tanystyryp, aqshalaryn ıemdenip, ýádelerin oryndamaǵan adamdy ustady, dep habarlady Almatynyń polısııa departamenti.

 

– Kúdiktimen birge jeke basyn kýálandyratyn qujattar tabylǵan joq. Ol ózin 32 jastaǵy Qyrǵyzstan azamatymyn dep tanystyrady. Alaıda biz onyń shynaıy jeke derekterin qasaqana jasyrýy múmkin ekenin joqqa shyǵarmaımyz. Osyǵan baılanysty biz sottalýshynyń kim ekenin anyqtaǵan azamattardy myna  telefondar arqyly baılanysýǵa shaqyramyz: 298-54-62; 8-701-758-67-60 jáne 8-775-718-35-05, – dedi, Túrksib aýdandyq polısııa basqarmasy janyndaǵy polısııa bóliminiń bastyǵy, polısııa polkovnıgi Jasulan Turyspaev.