Tesla jáne SpaceX kompanııasynyń bas atqarýshy dırektory, mıllıarder Ilon Mask óziniń Mars ǵalamsharynyń qatysty qyzyqty jobalarymen tanymal. Onyń josparyna sáıkes, 2050 jylǵa deıin 1 mıllıon adamdy Qyzyl ǵalamsharǵa qonystandyrmaq. Ol úshin Mask kompanııasy 1000 juldyzkeme jasaıtyny habarlandy.

Mıllıarderdiń sózine sáıkes, árbir juldyzkeme 100 adam alyp júre alady. Mask 2026 jylǵa deıin Qyzyl ǵalamsharǵa alǵashqy adamdardy jetkizetinin aıtady. 

Bir qyzyǵy, Toby Li esimdi áleýmettik jeli qodanýshy Twitter paraqshasynda "Taǵdyr týraly aıta otyryp, "siz Fon Braýnnyń 1953 jyly shyqqan "Mars jobasy" kitabynda adamdardy Marsqa áketetin Ilon esimdi adamdy aıtqanyn bilesiz be? Keremet jańalyq" dep jazba jarııalaǵan. 

Al, oǵan Ilon Masktyń ózi jaýap qaıtaryp, "Munyń shyn ekenine senimdimiz be?" dep jazǵan.

Toby Li kitaptyń aǵylshyn jáne nemis tilindegi nusqalary qoljetimdi ekenin aıtyp, "Ilonǵa" qatysty jazylǵan betterdi jarııalady. 

Aǵylshyn tilindegi bet "24 taraý. Mars qalaı basqarylady?" dep bastalady. Al, jarııalanǵan nemis tilindegi nusqada "Ilon" dep jazylǵan oryn qyzyl syzyqpen qorshalǵan.

Aqparatqa sáıkes, 1953 jyly belgili nemis ǵalymy Verner fon Braýnnyń  "Mars jobasy" kitabynda Qyzyl ǵalamshardaǵy adamzatty "Ilon" dep atalatyn adamnyń basqaratyny jazylǵan

Al, Verner fon Braýn ekinshi dúnıejúzilik soǵys kezinde Germanııanyń V-2 zymyranyn jasaýda mańyzdy ról atqarǵan ǵalym.

Soǵystan keıin 1500 nemis ǵalymymen birge qupııa túrde  Amerıka Qurama Shtattaryna qonys aýdarylǵan. Amerıkanyń ǵaryshqa ushatyn qurylǵylaryn zertteýge úles qosqan aeroǵarysh ınjeneri. Amerıkanyń alǵashqy jer serigi jáne Aıǵa qonǵan "Apollon" ǵarysh kemesi fon Braýn jasaǵan raketalarmen ushyrylǵan.

Braýn "Mars jobasy" kitabynda Qyzyl ǵalamsharǵa qonystanǵandardy "Ilon" dep atalatyn adamnyń basqartyny jazylǵan.

"Mars úkimetin on adam basqardy, onyń jetekshisi jalpyǵa birdeı saılaý quqyǵymen bes jylǵa saılandy jáne Ilon quqyǵyna ıe boldy.

Ilon men onyń kabıneti basqaratyn parlamenttiń eki palatasy zańdar shyǵardy" dep jazylǵan Mars jobasy kitabynda. 

Ilmek sózder: Ilon Mask Mars

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir