Beısen Quranbektiń ájesi qaıtys boldy

Belgili telejýrnalıst, 2020 jylǵy 18 mamyrda qaıtys bolǵan Beısen Quranbektiń ájesi ómirden ótti. Qaıǵyly qazany jýrnalıst, Beısen Quranbektiń áriptes-dosy Serik Ábikenuly habarlady.

"Ǵasyr jasaǵan, ashtyq, qýǵyn kórip aman qalyp, bir áýlettiń saıasy bolǵan apamyz qaıtty. Beısekeń óstip qushaqtap, "Apa-aý, aqynnyń balasy keldi!" – dese qos qolyn sozyp mańdaıdan súıýshi edi. Odan keıin bata beretin. Barshanyń tileýin tilep otyratyn. Apa úshin Beıseni komandırovkada júr... Erteń saǵat 10.00-de, Qyzyljar aýylynda janazasy shyǵarylady. Imandy bolyńyz, apa!" delingen jýrnalıstiń jelidegi jazbasynda.

Byltyr Quranbekter áýleti úshin aýyr jyl boldy. Aldymen Beısen Quranbek dúnıe salyp, qyrqy bolatyn kúni ómirge ákelgen anasy, qyrkúıek aıynda ákesi qaıtys boldy. Endi mine, jýrnalıstiń ájesi baqılyq bolyp otyr.