"Olar mas bolǵan". Almaty Arbatynda birneshe adam ustaldy

Búgin 28 aqpanda sheteldegi oppozısıoner Muhtar Áblıazov jetekshilik etetin Qazaqstannyń demokratııalyq tańdaýy qozǵalysynyń mıtıngi ótedi delingen Almatydaǵy Arbatta polısııa 4-5 adamdy ustady.

Belsendiler aldymen Ortalyq saıabaq mańyna jınalatyny habarlanǵan. Alaıda Qamshy tilshisi ol jaqtan polısııa qyzmetkerleri men beısaýyt júrgen adamdardy ǵana baıqady. Ortalyq saıabaq esigine qulyp qoıylyp, sanıtarlyq jumystar júrgizilip jatqany týraly qaǵazdar ilingen.

Belsendiler baratyn sońǵy núkte retinde belgilengen Arbatta qydyryp júrgenderden bólek tus-tusta birneshe adam turdy. Biraq syrt kózge olar mıtıngke shyqqan adamǵa uqsamaıdy. Qamshy tilshisi sondaı adamdardyń birnesheýin polısııa ustap, avtozagqa salyp áketkenin kórdi. Tilshiniń "ol azamattardy ne úshin ustadyńyzdar?" degen suraǵyna polıseıler "olar mas bolǵan soń ustadyq" dep jaýap berdi.

О́zin Baıjan Bedelov dep tanystyrǵan ustalǵan azamattardyń biri mıtıngke emes, Shamalǵanda turatyn balasy men kelinine bara jatqanyn aıtady.

Qazaqstannyń demokratııalyq tańdaýy Qazaqstanda ekstremıstik dep tanylǵan. Biraq Eýroparlament 2019 jylǵy rezolıýsııasynda QDT-ny "beıbit oppozısııalyq qozǵalys" dep ataǵan.