• USD 468.56

  • EUR 497.56

  • RUB 7.3

  • CNY 67.18

28 Naýryz, 13:10:04
Almaty
+35°
Meksıkalyq boksshy Saýl Alvares (55-1-2, 37 KO) túrkııalyq sportshy Avnı Iyldyrymnan basym túsip, WBC jáne WBA Super tujyrymdary boıynsha sýperorta salmaqtaǵy (76,2 kg) chempıondyq tıtýlyn qorǵap qaldy, dep jazady vesti.kz.
 
12 raýndqa shaqtalǵan kezdesýdiń 3-raýndynda Alvares qarsylasyn nokdaýnǵa jiberip, 4-raýd bastalarda túrik boksshysy jekpe-jekti jalǵastyrýdan bas tartty.
 
Kezdesýden keıin meksıkalyq boksshy promoýterleriniń biri Eddı Hırn aldaǵy josparlary týraly aıtyp, mamyr aıynda Meksıkanyń ulttyq merekesi "Sınko de maıonyń" qarsańynda Alvares WBO tujyrymy boıynsha álem chempıony brıtanııalyq Bıllı Djo Sonderspen judyryqtasatynyn málim etti.
 
Bul kezdesý – Alvarestiń boks mánsabyndaǵy iri jekpe-jekterdiń biri bolmaq. Meksıkalyqtyń ózi Sondersti "qıyn qarsylas" dep sanaıtynyn aıtty.
 
Buǵan deıin Sonders 72,2 keli salmaqtaǵy qazaqstandyq bokser Gennadıı Golovkınmen jekpe-jek ótkizý boıynsha birneshe ret kelissóz júrgizgen. Tipti boksshylar 2017 jylǵy EKSPO kórmesi qarsańynda judyryqtasady delingen. Alaıda kelissózder barysynda naqty kelisim jasalmady.
 
Al Alvares Gennadıı Golovkınmen eki márte sharshy alańda jolyqqan. Alǵashqy kezdesý daýly teń nátıjemen aıaqtalsa, ekinshisinde tóreshiler jeńisti meksıkalyq boksshyǵa bergen. Ekinshi jekpe-jek qorytyndysyna da kelispeıtindep kóp. Boksshylardyń úshinshi kezdesýi týraly áńgime jıi qozǵalady. Golovkın eski qarsylasymen kezekti ret bokstasýǵa árdaıym ázir ekenin aıtsa, Alvares basynda GGG-men kezdesýge qulshynbaıtynyn málimdegen. Alaıda sońǵy kezderi bul jekpe-jekke qarsy emestigin aıtyp júr.
 
"Qamshy" silteıdi
Ilmek sózder: kásipqoı boks

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir