• USD 468.56

  • EUR 497.56

  • RUB 7.3

  • CNY 67.18

28 Naýryz, 22:28:50
Almaty
+35°

AQSh-tyń áskerı-teńiz kúshteri men Beıjiń armııasy Ońtústik Qytaı teńizinde betpe-bet kelýdi jıiletti. "Shıelenis buryn-sońdy bolmaǵan deńgeıge jetti" dep jazdy Financial Times.

AQSh armııasynyń kontr-admıraly Djeıms Kırk "Biz qytaı áskerı qabiletiniń kúsheıgenin kórdik. Kún saıyn paıdalanylatyn kemeler men ushaqtar sany kóbeıgen" dep málimdedi.

Qytaı men AQSh áskerı ushaqtary Taıvannyń áýe qorǵanysyn ıdentıfıkasııalaýdyń ońtústik-batys buryshynda eki apta boıy shıelenisken. Aqparatqa sáıkes, qytaılyq reaktıvti ushaqtar AQSh soǵys kemesine "raketalyq shabýyldar ımıtasııasyn" jasap, ushyp ketken.

Málimetter boıynsha, AQSh soǵys kemesi júzip bara jatqanda aımaqqa qytaılyq 11 áskerı joıǵysh ushaq, onyń ishinde H-6 bombalaýshylary  ushyp kelgen.

"Taıvan men AQSh barlaý qyzmeti qol jetkizgen ushqyshtar kabınasyndaǵy áńgimeler ıstrebıtel ushqyshtarynyń AQSh áskerı kemelerine qarsy zymyran soqqysy ımıtasııasyna qatysqanyn rastady" dep habarlandy.

Oqıǵaǵa qatysty AQSh áskerı kúshteri "Qytaı agressıvti áreketterge bardy" dep baıbalam salýda.

Sonymen qatar, "USS Nimitz" pen "USS Teodor Rýzvelt" dep atalǵan amerıkalyq eki soǵys kemesi sýda birlesken jattyǵý ótkizdi. 

Eki iri soǵys kemesiniń birlesken jattyǵýy  2012 jyldan beri úshinshi ret ótkizilip otyr.

"Qamshy" silteıdi
Ilmek sózder: AQSh Qytaı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir