Qazaqstan kórshiles Qyrǵyzstan men Tájikstanǵa tegin áskerı tehnıka bergeli jatyr

Elimizdiń qorǵanys mınıstrligi qoǵamdyq talqylaý úshin tıisti qaýly jobasyn "Ashyq NQA" portalyna jarııalady.

Qujatta beriletin qarý-jaraqtyń paıdalanylmaı, qorda artyq turǵany kórsetilgen.

Tájikstanmen jasalǵan kelisim jobasynda Qazaqstan jabdyqty Dýshanbe qalasyna jetkizýdi, sondaı-aq kólik shyǵyndaryn óz moınyna alǵan.

NQA jobasyna sáıkes, Qazaqstan Tájikstanǵa beredi:

BO oǵy bar 5,45 mm patrondar – 3 mln dana;

23 mm patron – 20 myń dana;

82 mm oq – 10 myń dana.

Qyrǵyzstanmen jasalǵan kelisim jobasynda tehnıkanyń Qoı-Tash eldimekenine jetkiziletini, shyǵyndardy qazaqstandyq taraptyń kóteretini kórsetilgen.

Beretin múlik tizimi:

BO oǵy bar 5,45 mm patrondar – 6 mln dana;

Jaryqshaqty-fýgasty bastıegi bar 122 mm reaktıvti snarıad – 1000 dana;

Qyzǵylt sary tústi tútindi jerústi sıgnaldyq patron – 2000 dana;

26 mm sary tústi otty sıgnaldyq patron – 1000 dana;

"Vostok-SP" estý-qabyldaý beketi – 4 birlik;

"Galaktıka" RPQ – 6 birlik;

"Kalına 12h80" antennalyq kommýtatory.

Aıta ketsek,  alýshy eki eldiń  bul jabdyqty úshinshi tulǵalarǵa bere almaıtyny, sata almaıtyny qujattarda aıqyn kórsetilgen. Qos qujat 6 aqpanda talqylaýǵa shyǵaryldy jáne ol 20 aqpanǵa deıin jalǵasady.