10 Aqpan, 2021 Áleýmet
![](/media/2021/02/10/crop-10_43_467x622_5be91b0e-57ed-43f7-8507-bec44eaf5336.jpg?width=600&height=480)
vıdeodan skrınshot
Sońǵy kezderi qazaqtyń ulttyq salt dástúrleri túrlenip, keıbir ulttyq ustanymdary ózgerip bara jatqany ras. О́ıtkeni Batystan kelgen qazaq qoǵamyna jat dástúrler kózge úırenshikti, qulaqqa sińisti bolyp barady.
Qazaqy dástúrmen úsh aıǵa deıin qursaǵyn syrt kózden jasyryp ustaıtyn kelinder qazir ishi biliner bilinbesten «gender patı» toıyn dúrildetip ótkizýde. Iаǵnı aıaǵy aýyr kelinshek nemese, erli-zaıyptylardyń dostary ýltradybystyq zertteýden soń, balanyń jynysyn basqalarǵa túrli joldarmen súıinshilep jetkizedi. Torttyń túsi nemese shar jarý, qorapqa jasyrylǵan bolashaq sábıdiń kıimderi arqyly anyqtalatyn bul jón-joralǵynyń sońy úlken toıǵa ulasyp jatady.
Blogger jastardyń isine shoshyna qarap júrgenimizde, jaqynda dástúrli ánshi О́mirqul Aınııazovtyń ınstagram paraqshasynda «gender patı» ótkizgenin, jáne vıdeosyn jarııalaǵanyn kózimiz shaldy. Batystyq salt qazaqı, dástúrli ánshimizdiń óz ıdeıasy ma, álde jaqyn jýyǵynyń qolqalaýy ma? Jalpy gender patıge ánshiniń ózi qalaı qaraıtynyn bilý úshin telefon shalǵan edik.
Posmotret etý pýblıkasııý v Instagram
О́mirqul Aınııazov, dástúrli ánshi:
– Bul dástúr qaıdan kelgenin bilmedim. Biraq qazir jastardyń "Gender patı" ótkizip jatqanyn jıi baıqap júrmin. Bul – meniń 21 jyl kútken qýanyshym. Bir balamyz bar. Jaqynda 21 jasqa tolady. Sondyqtan kelinshegim osy ekinshisin kóterdim degende qatty qýandym. Sosyn kómekshilerim, aınalamda júrgen jastar "Gender patı" ótkizýge usynys jasady. Áke-sheshem, qaryndastarym, týǵan-týys úıde shaǵyn otbasylyq qýanysh retinde atap ótken jaıymyz bar. Týǵan týystyń balalary qatty kútti, vıdeoda kórgenderińizdeı bárimiz qýandyq. Osy oraıda jaqsy nárseni orystan keldi, Batystan keldi dep bólýdiń qajeti joq sekildi. Qaıta jaqsy dúnıeni jat kórmeı qabyldaýymyz kerek sekildi. Qazir kelinshegim júktiliktiń jetinshi aıynda. Biraq balanyń jynysyn aıta almaımyn. Sizderge «Qamshy» portalyna da aıtpaımyn. Neshe jyl asyǵa kútken sábıimiz bolǵandyqtan, yrymdap ázir aıtpaýdy jón kórip otyrmyz. Negizi ol vıdeony júktiliktiń tórtinshi aıynda túsirgenbiz. Biraq kópshilikke kórsetpeı qupııa ustadyq. Kelinshegim de vıdeony salǵanymdy qalamap edi, biraq men qýanyshym qoınyma syımaı bólisip qoıdym.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir